Jamu było 85 hadoŭ.
Jaŭhien Prymakoŭ naradziŭsia ŭ 1929 u Kijevie. Pracavaŭ raźviedčykam na Blizkim Uschodzie pad prykryćciom pasady žurnalista. Byŭ dyrektaram Słužby źniešniaj raźviedki Rasii ŭ 1991—1996 hh., ministram zamiežnych spraŭ, u 1998-1999 — premjer Rasii.
Jaŭhien Prymakoŭ: libierał, kansiervatar i prahmatyk
Pa słovach ludziej, jakija viedali jaho, Jaŭhien Prymakoŭ adnosiŭsia da redkaj čałaviečaj parody: zaŭsiody znachodziačysia va ŭładzie abo pobač ź joj, jon da ŭłady asabliva nie imknuŭsia, i ŭžo va ŭsiakim vypadku, dziela jaje byŭ hatovy daloka nie na ŭsie.
Sam Prymakoŭ kazaŭ, što ličyŭ pasadu ministra zamiežnych spraŭ hodnym viancom karjery i nie chacieŭ dla siabie ničoha inšaha.
Adnak paśla žnivieńskaha defołtu ŭ 1998 hodzie ŭsie frakcyi Dziarždumy litaralna na rukach ŭnieśli jaho ŭ premjerskaje kresła jak adzinaha čałavieka, zdolnaha znajści hramadski kampramis i vyratavać krainu.
Kali Prymakoŭ zaklučyŭ aljans jašče i ź Juryjem Łužkovym, Mintymieram Šajmijevym i inšymi ŭpłyvovymi rehijanalnymi lidarami, jaho stali razhladać jak adzina mahčymaha pierajemnika Barysa Jelcyna. Kamu ž jašče?
Vierahodna, Prymakoŭ nie admoviŭsia b stać prezidentam, kali b jaho «saborna paprasili na carstva».
Ale, sutyknuŭšysia z procidziejańniem, adyšoŭ u bok biez boju, nie pažadaŭšy ŭdzielničać u brudnaj i žorstkaj pieradvybarnaj kampanii i abmiarkoŭvać ź niezyčliva nastrojenymi ludźmi stan svajho tazaściehnavaha sustava.
Mnohija ekśpierty bačać niedachop rasijskaj palityčnaj sistemy ŭ adsutnaści mocnaha centra. Prymakoŭ ličyŭsia ŭ SSSR libierałam, a ŭ 1990-ch hadach kansiervataram, ale, pa sutnaści, na ŭsich etapach zastavaŭsia centrystam i prahmatykam.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu5
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4545
Kamientary