U Japonii adbyłosia ŭračystaje pachavańnie koški, što stała nacyjanalnaj znakamitaściu paśla taho, jak była pryznačanaja na pasadu načalnika čyhunačnaj stancyi.
Koška pa mianušcy Tama była pryznačanaja načalnikam stancyi Kisi ŭ 2007 hodzie.
Tama naradziłasia i vyrasła ŭ siamji biazdomnych kotak, jakija žyli niepadalok ad stancyi Kisi, u horadzie Kinakava, što ŭ prefiektury Vakajama na vostravie Chansiu.
Čyhunačnaja stancyja Kisi miełasia być zakrytaja ŭ 2004 hodzie, bo čyhunačnaja kampanija Vakajama amal zbankrutavała. Adnak paśla pratestaŭ miascovych žycharoŭ stancyja praciahnuła pracu.
U 2006 hodzie čyhunačnaja kampanija zvolniła ŭsich supracoŭnikaŭ stancyi ŭ sprobie skaracić vydatki. U 2007-m stancyjnym nahladčykam stancyi Kisi była pryznačanaja koška Tama, jakuju da taho času prytuliła miascovaja žycharka, što nieaficyjna pryhladała za stancyjaj u adsutnaści supracoŭnikaŭ kampanii.
Asnoŭny abaviazkam Tamy było vitać pasažyraŭ.
Koška žyła ŭ biletnaj budcy. Na hałavie ŭ jaje była furažka načalnika stancyi. Jaje pracoŭny dzień doŭžyŭsia z 9 ranicy da 5-j viečara. Zamiest zarobku jana atrymlivała kašečuju ježu.
Roskvit ekanomiki
U vyniku Tama vyratavała stancyju Kisi ad bankructva. Tudy stali pryjazdžać turysty, kab pahladzieć na niezvyčajnaha načalnika stancyi.
Za čas jaje znachodžańnia na pasadzie kolkaść pasažyraŭ, jakija prybyvali na stancyju Kisi, pavialičyłasia ad 1,92 młn u 2005 hodzie da 2,27 młn u 2014-m.
Pavodle daśledavańniaŭ, kotka Tama pryniesła 1,1 młrd jenaŭ (amal 9 młn dalaraŭ) ekanomicy horada.
Stancyja Kisi źmianiłasia. Tam adkryłasia kafe, pryśviečanaje Tamie, mahazin kašečych suvieniraŭ, i navat sam dach samoha budynka stancyi była pierabudavana z tym, kab być padobnym na pysu koški.
Kiraŭnik čyhunačnaj kampanii Vakajama naviedaŭ Tamu za sutki da jaje śmierci i raspavioŭ, što jana «padniałasia i hučna miaŭknuła».
Tamie było 16 hadoŭ (80 hadoŭ u čałaviečych hadach).
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary