U Kramli nie zmahli adkazać na pytańnie nakont sutnaści inicyjatyvy ab praviercy zakonnaści pryznańnia niezaležnaści prybałtyjskich respublik Dziaržradaj SSSR u 1991 hodzie.
«U Kramli nie byli znajomyja z hetaj inicyjatyvaj i ja, ščyra kažučy, nie razumieju sutnaści hetaj inicyjatyvy», — skazaŭ žurnalistam pres-sakratar prezidenta RF Dźmitryj Piaskoŭ, kamientujučy infarmacyju ab adpaviednym zapycie parłamientaryjaŭ u nahladnaje viedamstva.
30 červienia kiraŭnik MZS RF Siarhiej Łaŭroŭ, adkazvajučy na pytańnie žurnalistaŭ, zajaviŭ, što jamu ničoha nie viadoma pra deputacki zapyt z nahody zakonnaści vychadu z SSSR krain Bałtyi.
«Nie čuŭ pra taki zapyt. Viedaju, što ŭ nas z krainami Prybałtyki dypłamatyčnyja adnosiny, miždziaržaŭnaja damova», — adznačyŭ ministr.
Napiaredadni ŭ Hienprakuratury paćvierdzili fakt pastupleńnia takoha zapytu. «Sapraŭdy, u Hienieralnuju prakuraturu Rasii pastupiŭ deputacki zvarot, jaki ŭ ciapierašni čas razhladajecca ŭ adpaviednaści z patrabavańniami rasijskaha zakanadaŭstva, jak i luby inšy zvarot, jaki pastupaje da nas», — paviedamili ŭ pres-słužbie nahladnaha viedamstva, admoviŭšysia ad dalejšych kamientaroŭ.
-
Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
-
Kiraŭnik «Alternatyvy dla Hiermanii» Alisa Vajdel zaklikała da pastavak nafty z Rasii
-
Japoniec 26 hadoŭ arandavaŭ kvateru, dzie zabili jaho žonku, kab zachavać dokazy ŭ spadziavańni na novyja technałohii. I ŭrešcie zabojcu znajšli
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii1
Kamientary