Trusaŭ: Nacyjanalizmu ŭ nas nie budzie, u nas budzie patryjatyzm
«U Biełarusi nikoli nie było i nia budzie ŭ najnoŭšaj historyi niejkich nacyjanalistyčnych pamknieńniaŭ. Prezydent na hety kont vykazvaŭsia šmat razoŭ», — zajaviŭ žurnalistam ministar zamiežnych spravaŭ Uładzimier Makiej, pad staršynstvam jakoha 1 lipienia pry MZS adbyłosia pieršaje pasiadžeńnie Kansultatyŭnaj rady pa spravach biełarusaŭ zamiežža.
Makiej adznačyŭ, što ŭ krainie žyvuć pradstaŭniki bolš jak sta nacyjanalnaściaŭ.
«Navat adzin łaosiec, pavodle pierapisu nasielnictva, žyvie. I my nie chočam, kab niejkaja nacyja daminavała nad pradstaŭnikami astatnich nacyj i narodnaściaŭ, jakija žyvuć u Biełarusi. Takoha nie było i nikoli nia budzie. Heta nie palityka biełaruskaha kiraŭnictva, nie palityka prezydenta Biełarusi. Tamu tut nacyjanalizmu nia budzie nikoli», — cytuje BiełaPAN ministra.
Pavodle Makieja, nacyjanalizm «śpieje tolki ŭ rozumach durnych ludziej, jakija, napeŭna, sprabujuć za miažoj ci dzieści jašče dasiahnuć, mahčyma, svaich niejkich palityčnych metaŭ»:
«My aryjentavanyja na toje i zacikaŭlenyja ŭ tym, kab u Biełarusi byŭ mižnacyjanalny i mižkanfesijny mir, zhoda i spakoj. I my nia chočam, kab u Biełarusi adbyvalisia padziei, jakija adbyvajucca ŭ niekatorych inšych krainach. Za prykładami daloka chadzić nia treba».
Makiej paraiŭ supakoicca ŭsim, chto «niešta vydumlaje pra rost nacyjanalizmu ŭ Biełarusi».
U pasiadžeńni Kansultatyŭnaj rady pa spravach biełarusaŭ zamiežža 1 lipienia ŭziali ŭdzieł 32 delehaty z 18 krain, a vynikam pracy stanie stvareńnie darožnaj karty, jakaja laža ŭ asnovu padrychtoŭki prahramy «Biełarusy zamiežža» na 2016—2020 hady.
Kamentujučy vykazvańni Ŭładzimiera Makieja, staršynia TBM Aleh Trusaŭ adznačyŭ:
«Ja ź im zhodny, nacyjanalistyčnych pamknieńniaŭ u Biełarusi nia budzie. U nas pamknieńni tolki patryjatyčnyja. Treba być patryjotam, a nie nieviadoma kim. Patryjatyzm — heta asnoŭnaje, što treba hadavać u Biełarusi. I kožny hramadzianin pavinien być patryjotam. I ŭsie hetyja kamuniačyja vysłoŭi typu «nacyjanalist» — heta niadobraja spadčyna Savieckaha sajuzu. My nie pavinny šyroka hety saviecki termin užyvać. A ŭžyvać narmalny termin: «patryja», «patryjatyst», «patryjot». Spačatku «nacdem» byŭ, potym «nacyjanalist» — heta ŭsio słovy žachlivaj tatalitarnaj savieckaj spadčyny. Tamu treba ŭžyvać słova «patryjot» i kožny hramadzianin, niezaležna ad nacyjanalnaści, pavinien być patryjotam svajoj krainy».
Aleh Trusaŭ miarkuje, što Makiej adkazvaje «ruskamu miru», kali raić supakoicca ŭsim, chto «niešta vydumlaje pra rost nacyjanalizmu ŭ Biełarusi»:
«I ja tut zhodzien ź im. U nas idzie rost patryjatyzmu. A nijakaha nacyjanalizmu ŭ savieckim razumieńni niama. Ale kali «ruski mir» na tankach pryjedzie, to budzie jak va Ukrainie. Tut užo pačniecca nieviadoma što. Nu, pakul na tankach nie pryjechali, to, kaniečnie, niama. A jak pryjeduć, to budzie. Jakija zaraz varožyja adnosiny da ŭsiaho ruskaha va Ukrainie! Nu, što rabić, kali zabrali Krym i zabivajuć na Danbasie kožny dzień? Tak što ŭ dadzienym vypadku ja za patryjatyzm i suprać hetych savieckich terminaŭ».
Taksama Aleh Trusaŭ adznačyŭ, što Makiej, u adroźnieńnie ad inšych, viedaje šmat zamiežnych movaŭ i cudoŭna havoryć pa-biełarusku: «Kab takija ŭsie byli, to, kaniečnie, patryjatyzmu ŭ krainie było b namnoha bolej. A kali čałaviek biaz ruskaha mata nia moža troch słovaŭ źviazać, to jaki ź jaho patryjot?»
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary