«Heta nie avaryja», — śćviardžaje dyrektar.
U redakcyju TUT.BY źviarnulisia niekalki žycharoŭ Połacka i Navapołacka. Jany raspaviali, što ŭžo amal tydzień z terytoryi zavoda «Palimir» idzie niezvyčajna mocny dym, i dasłali zdymki.
«Uvieś horad bačyć z voknaŭ vielizarny słup čornaha dymu, jaki vypuskajecca z palimiraŭskaha cecha», — napisała žycharka Navapołacka.
«Čorny šlejf raściahnuŭsia na dva harady, u Połacku adčuvajecca pach harełaj chimii, a heta na adlehłaści 25 km ad pradpryjemstva. Takoha my nie nazirali hadoŭ 15», — paviedamiŭ jašče adzin čytač.
Pa kamientar TUT.BY źviarnuŭsia da dyrektara zavoda «Palimir» AAT «Naftan» Aleha Žebina.
«Na zavodzie adbyvajecca płanavy pusk cecha №104 druhoj čarhi vytvorčaści polietylenu vysokaha cisku. Heta supravadžajecca utylizacyjaj niekandycyjnych hazaŭ na adpaviednaj fakielnaj sistemie. Jana pryznačana dla taho, kab nie ŭźnikła niejkich avaryjnych situacyj. Praces adbyvajecca šlacham maksimalna biaśpiečnaha spalvańnia.
Heta technałahičnaja apieracyja nie moža adbyvacca biez taho, kab fakieł nie hareŭ. Jon zaŭsiody haryć, spalvaje niekandycyjny pradukt. Jaho bolš niama kudy padzieć, niama jak utylizavać, inšych technałohij u śviecie prosta niama.
Za puskam ustanoŭki kruhłasutačna nazirajuć kiraŭniki i śpiecyjalisty zavoda. Praces pačaŭsia 30 červienia. Zaviaršyć jaho płanujem da kanca tydnia.
U Navapołacku i Połacku vyznačanyja punkty kantrolu hranična dapuščalnaj kancentracyi škodnych rečyvaŭ, i jany nie pieravyšajuć normu. Na hety kont jość adpaviednyja dakumienty.
Nijakich avaryj, nijakich pažaraŭ na zavodzie nie było i niama», — zapeŭniŭ dyrektar «Palimira».
Pa słovach kiraŭnika zavoda, tłumačalnaja infarmacyja nakont hetaj situacyi pavinna taksama źjavicca ŭ miascovaj presie.
Nakont słupa čornaha dymu kiraŭnik adnaho z najbujniejšych pradpryjemstvaŭ chimičnaj pramysłovaści ŭ Jeŭropie skazaŭ: «Vizualna, viadoma, heta nie vielmi pryhoža. Ludzi pryvykli, što hetaha niama».
Ciapier čytajuć
Jak u halečy śpivałasia radnia Łukašenki? Małaviadomyja fakty25
Kamientary