Kalinoŭski — naš nacyjanalny hieroj, a Bykaŭ — kultavy piśmieńnik, miarkuje hałkipier FK «Dynama» Brest
Hałkipier bresckaha «Dynama» Dźmitryj Dudar nazvaŭ čałavieka, jakoha ličyć nacyjanalnym hierojem Biełarusi.
— Ty kazaŭ, što tvoj lubimy vykanaŭca — Jahor Letaŭ, lubimy piśmieńnik — Vasil Bykaŭ, histaryčnaja asoba — Kastuś Kalinoŭski. Uražvaje dyjapazon intaresaŭ. Adkul hetak pachvalnyja husty i šyroki kruhahlad?
— Ja ž rodam z Hrodna. A horad u nas vysokakulturny, praciaty biełaruskaj aŭraj. Akramia taho, ja vučyŭsia ŭ himnazii. I kali b nie trapiŭ u junackuju zbornuju, napeŭna z hałavoj pahruziŭsia b u vučobu i źviazaŭ budučyniu ź jurydyčnaj dziejnaściu. Zadatki mielisia, pastajanna ŭdzielničaŭ u roznych alimpijadach.
Kali byŭ u dubli minskaha «Dynama», pastupiŭ na jurfak BDU i paŭtara hoda pravučyŭsia navat na dzionnym adździaleńni. A ludzi, jakich pieraličyŭ u ankiecie … Dla mianie heta — hłyby. Časta słuchaju Letava, Coja, hraju ich muzyku na hitary. Kalinoŭski — naš nacyjanalny hieroj. Bykaŭ — kultavy piśmieńnik vializnaha maštabu, z hramadzianskaj pazicyjaj. Na žal, u Biełarusi mała pra heta kažuć. Nacyjanalnaja kultura i samaśviadomaść u zaniapadzie. Heta nienarmalna», — skazaŭ Dudar.
Kamientary