U siadzibie Vańkovičaŭ projdzie IT-kanfierencyja Mobile Optimized
Najbujniejšaja kanfierencyja mabilnych raspracoŭščykaŭ Uschodniaj Jeŭropy Mobile Optimized projdzie ŭ minskaj siadzibie Vańkovičaŭ (vuł. Filimonava, 24) 13-15 lipienia.
Pieršy dzień pryśviečany technałohijam, druhi — biźniesu i startapam, treci — hulniam. U pieršy dzień taksama projdzie «ranica dla studentaŭ», u druhi — vystava startapaŭ, u treci — vystava hulniaŭ, uvachod na jakuju zrobiać volnym.
Na kanfierencyi vystupiać litoŭski inviestar Ihar Macaniuk, prezident Softeq Development Krys Hovard, były hałoŭny redaktar časopisa Gameplay Siarhiej Halonkin, šmatlikija raspracoŭščyki, dyzajniery i markietołahi, pradstaŭniki Wargaming, Viber, Maps.me, Fitbit, Aterdux, Yandex i inšych kampanij.
Z raskładam na try dni možna aznajomicca na mo.dev.by, tam ža možna nabyć kvitki. Kvitok na ŭsie try dni kaštuje 2,9 miljona, na asobnyja dni — ad 790 tysiač da 1,5 miljona.
Kamientary