Biełaruski viełahonščyk Branisłaŭ Samojłaŭ raźvitajecca ź miesiačnym zarobkam za rasisckaje vykazvańnie
Biełaruski viełahonščyk Branisłaŭ Samojłaŭ paźbieh pakarańnia za rasisckaje vykazvańnie na adras erytrejca Natnaela Bierchanie padčas čaćviortaha etapu «Tura Aŭstryi».
Mieniedžar kamandy Bierchanie MTN-Qhubeka Duhłas Rajder paviedamiŭ, što «adzin z honščykaŭ inšaj kamandy skazaŭ Natnaelu Bierchanie:« Sydzi z darohi, hidki nihier».
Zatym polskaja kamanda CCC Sprandi Polkowice, za jakuju vystupaje Samojłaŭ, vystupiła z zajavaj z nahody taho, što zdaryłasia.
«U zapału baraćby naš honščyk skazaŭ słovy, pra jakija jon škaduje, i jakija źjaŭlajucca nieprymalnymi. My jak kamanda nie cierpim padobnych pavodzin, i spartsmiena čakajuć nastupstvy pierad nastupnym etapam situacyja pamiž kamandami i honščykami była rastłumačanaja», - havorycca ŭ zajavie.
«Natnael daravaŭ chłopcu. Čempijanat źbirałasia vykinuć jaho z honki, ale Natnael skazaŭ: «Nie, usio ŭ paradku, niachaj jedzie «, - pryvodzić słovy Rajdera AR.
Taksama paviedamlajecca, što Samojłaŭ achviaruje miesiačnuju zarpłatu na karyść arhanizacyi, jakaja pravodzić prahramu pa raźvićci viełasportu ŭ Paŭdniovaj Afrycy.
Kamientary