Dziaržaŭny pamiežny kamitet Biełarusi papiaredžvaje ab čerhach z aŭtamabilaŭ, jakija sfarmavalisia na vyjeździe ź Biełarusi ŭ litoŭskim kirunku.
Najbolš napružanaja abstanoŭka składvajecca ŭ punkcie propusku «Kamienny Łoh», dzie sabrałasia kala 100 lehkavych aŭtamabilaŭ, u punkcie propusku «Katłoŭka» u čarzie stajać 30 mašyn.
«Tradycyjna płyń aŭtatranspartu ŭzrastaje na vychodnyja dni i moža pieravyšać prapusknuju zdolnaść punktaŭ propusku na hetym kirunku, - adznačyli ŭ pres-słužbie Dziaržaŭnaha pamiežnaha kamiteta. - Adnoj z pryčyn farmiravańnia praciahłaj čarhi źjaŭlajecca praca sumiežnych kantralujučych słužbaŭ Litvy, jakija ažyćciaŭlajuć propusk transpartnych srodkaŭ na svaju terytoryju ŭ ramkach nižnich miežaŭ ustanoŭlenych normaŭ prapusknoj zdolnaści pahranpierachodu».
Pamiežniki rekamiendujuć kiroŭcam vybirać maršruty ruchu z ulikam apieratyŭnych dadzienych, jakija raźmiaščajucca na sajcie pahrankamiteta.
«Sa svajho boku, słužby pahraničnaha kantrolu aryjentavany na maksimalna apieratyŭnaje afarmleńnie hramadzian, jakija pierasiakajuć miažu», - havorycca ŭ paviedamleńni.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary