U Biełarusi ŭstupiła ŭ siłu zabarona na rekłamu parasonavych brendaŭ. Takoje rašeńnie ŭtrymlivajecca ŭ zakonie № 285-Z, padpisanym Alaksandram Łukašenkam i apublikavanym na Nacyjanalnym pravavym internet-partale.
«Rekłama, jakaja źmiaščaje najmieńnie tavaru, najmieńnie arhanizacyi, proźvišča, ułasnaje imia, imia pa baćku hramadzianina, tavarny znak abo znak absłuhoŭvańnia, adlustravańnie tavaru abo jaho spažyvieckaj ŭpakoŭki, tojesnyja abo padobnyja da stupieni źmiašańnia z najmieńniem ałkaholnych napojaŭ, tavarnym znakam, što vykarystoŭvajecca dla abaznačeńnia nazvy ałkaholnych napojaŭ, albo vyjavaj ałkaholnych napojaŭ abo ich spažyvieckaj ŭpakoŭki, nie dapuskajecca ŭ miescach, u jakich u adpaviednaści z hetym zakonam i aktami prezidenta Respubliki Biełaruś zabaraniajecca raźmiaščeńnie (raspaŭsiudžvańnie) rekłamy ałkaholnych napojaŭ, a taksama pry arhanizacyi i praviadzieńni kulturnych, adukacyjnych, spartyŭnych i inšych humanitarnych mierapryjemstvaŭ», — havorycca ŭ dakumiencie. Anałahičnaja zabarona dziejničaje i dla tytuniovych vyrabaŭ.
Pa hetym zakonie dazvalaje «adlustravańnie tavaru abo jaho spažyvieckaj ŭpakoŭki, tojesnaje abo padobnaje da stupieni źmiašeńnia z vyjavaj ałkaholnych napojaŭ, tytuniovych vyrabaŭ abo ich spažyvieckaj upakoŭki» ŭ sacyjalnaj rekłamie.
Jak paviedamiła žurnalistam 28 kastryčnika 2014 namieśnik ministra handlu Biełarusi Iryna Narkievič na adkryćci pieršaj mižnarodnaj vystavy rekłamnaj industryi «Miatny leŭ», zakon byŭ pryniaty paśla taho, jak pradstaŭniki biźniesu «pačali aktyŭna vyvodzić ałkaholnyja i tytuniovyja brendy pad vyhladam brendaŭ pitnoj vady, śviatočnych ahienctvaŭ, myła i hetak dalej».
«Papravak mahło b i nie być, kali b była asacyjacyja vytvorcaŭ, i jana vyrašyła dobraachvotna admovicca ad parasonavych brendaŭ. My rabili sproby sabrać vytvorcaŭ ałkaholnych brendaŭ, kab jany admovilisia ad takoj rekłamy. Ale hetaha nie adbyłosia», - raspaviała Narkievič.
Jana ličyć, što papraŭki ŭ zakon ab rekłamie - «krok pradumany, svoječasovy i jon pryniasie karyść dla krainy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary