Praz 12 miesiacaŭ paśla trahiedyi MH17, apublikavanyja novyja dokazy viny bajevikoŭ u trahiedyi, piša UNIAN.
Žurnalisty News Corp Australia apublikavali kadry, źniatyja samimi bajevikami na miescy krušeńnia Boinha adrazu paśla trahiedyi.
Na videa, skrynšoty ź jakoha apublikavanyja, zapisanyja pieršyja chviliny paśla vyjaŭleńnia źbitaha bajevikami kamiercyjnaha avijałajniera.
Na ich vidać, jak bajeviki fatahrafujuć reštki zahinułych pasažyraŭ, a taksama ahladajuć ich asabistyja rečy.
Jak paviedamlaje vydańnie, bajeviki ahladali sumki achviar, paśla čaho sabrali cełuju kuču z mabilnych telefonaŭ i asabistych rečaŭ pasažyraŭ.
Kamandzir, jaki prybyŭ na miesca, pa telefonie kamuści raspaviadaje, što było dva samaloty, paśla čaho zahadvaje ŭsim cyvilnym ačyścić terytoryju i ničoha nie zdymać z-za bojazi, što kadry patrapiać u internet.
Kamandzir za kadram kaža: «Jany kažuć, što Suchi źbiŭ hramadzianski samalot (…)», «Tak i jość … Heta pasažyrski samalot».
Paźniej jon pakazvaje ID-kartu ściuardesy. «Bačyš, jany zamiežniki, małajzijcy», — kaža jon.
Nieviadomy kamandzir atrymlivaje šmatlikija telefonnyja zvanki, u tym liku ad zavadatara bajevikoŭ z Daniecka, jakoha zavuć Rusłan, Uładzimira Anciufiejeva — byłoha kiraŭnika KHB kantralavanaha Rasijaj Prydniastroŭja, i adnaho ź vierchavodaŭ łuhanskich bajevikoŭ ź imiem «Kalan», havorycca ŭ artykule.
«Boinh» Malaysia Airlines, što lacieŭ rejsam Amsterdam — Kuała-Łumpur byŭ źbity roŭna hod tamu, 17 lipienia 2014 h., nad Danieckam. Zahinuli ŭsie 298 čałaviek, jakija znachodzilisia na borcie.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary