Jeŭrapiejski Sajuz vydzieliŭ Ukrainie 600 młn jeŭra pieršaha tranšu makrafinansavaj dapamohi ahulnym abjomam 1,8 młrd jeŭra, paviedamlajecca na sajcie pradstaŭnictva ES va Ukrainie.
Pavodle paviedamleńnia, hetyja srodki nakiravanyja na pakryćcio terminovych patrebaŭ u finansavańni, ź jakimi sutykajecca Ukraina, padtrymlivajučy ekanamičnuju stabilizacyju ŭ krainie. Akramia taho, u paviedamleńni adznačajecca, što srodki taksama nakiravanyja na dapamohu ŭ realizacyi važnych reformaŭ u halinie dziaržaŭnych finansaŭ, u enierhietyčnym siektary, sacyjalnaj abaronie, u biźnies-asiarodździ i finansavym siektary.
«Padtrymlivajučy prahramu reformaŭ ukrainskaha ŭrada ŭ hetych abłaściach, ES maje namier dapamahčy Ukrainie zakłaści asnovu dla tryvałaha viartańnia da ekanamičnaha rostu», — havorycca ŭ paviedamleńni.
Kamientary