Papiarednie damoŭleny vystup polskich muzykaŭ byŭ admienieny za niekalki dzion da jaho praviadzieńnia. Pieršapačatkova haradzienskija ŭłady dali dazvoł na kancert «Łombarda» pry ŭmovie, što akramia palakaŭ u im prymuć udzieł rasiejskija i biełaruskija muzyki. I kali atrymali zhodu «Łombarda», kardynalna źmianili svajo rašeńnie.
Na dumku dyrektara haradzienskaha rok-kłuba Ihara Bancara, niepaśladoŭnaść miascovych uładaŭ nie vyhladaje niečakanaj: - «Łombard» – lehiendarny polski hurt, jaki svajoj tvorčaściu prapahanduje «Salidarnaść», jakaja zmahałasia suprać kamunizmu, nie patrebny ŭ siońniašniaj Biełarusi, tamu što heta zanadta radykalna dla našych uładaŭ. Zaŭsiody rok i rok-n-roł byŭ muzykaj supracivu, i hurt «Łombard» adzin z najbolš jaskravych polskich pradstaŭnikoŭ hetaha kirunku. Voś hetyja faktary i stali nahodaj, kab admianić kancert. Vidać, bolš cikava rabić kancerty rasiejskaj papsy, bo heta biaskryŭdna.
Kancert hurta «Łombard» haradzienskija ŭłady admianili paśla taho, jak polskija muzyki abvieścili, što ich vystup budzie pryśviečany dziasiacihodździu nielehalnaj dziejnaści niepryznavanaha biełaruskimi ŭładami Sajuza palakaŭ. Za svaju historyju «Łombard» dvojčy ładziŭ kancerty ŭ Harodni. Pieršy vystup adbyŭsia ŭ dalokim 1988-m hodzie, druhi raz praz 20 hadoŭ – u traŭni 2008-ha na zaprašeńnie tahačasnaj staršyni Sajuza palakaŭ u Biełarusi Anžaliki Borys.
Čytaj bolš na: http://www.racyja.com/kultura/u-garodni-zabaranili-katsert-legendar/
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary