Pamočnik kiraŭnika Raśsielhasnahladu Alaksiej Alaksiejenka raspavioŭ, jak mienavita buduć źniščać sankcyjnyja pradukty.
«Zvyčajna raślinnyja pradukty prosta zavorvajuć u śpiecyjalna adviedzienych miescach. Miasa adpraŭlajuć na utylzavody, dzie ich pierapracoŭvajuć u miasa-kaścianuju muku. Hetaja muka moža być vykarystanaja ŭ jakaści kormu dla žyvioł, tamu što jana budzie całkam abiasškodžanaja ŭ pracesie pierapracoŭki. Z małakom, jak i ź luboj inšaj vadkaściu buduć pastupać: vylivać u peŭnych miescach. Syry, chutčej za ŭsio, projdzie buldozier, a potym — na zvałki», — patłumačyŭ Alaksiejenka, vykazaŭšy mierkavańnie, što vialikuju kolkaść praduktaŭ źniščać nie daviadziecca.
Pry hetym pamočnik kiraŭnika Raśsielhasnahladu zajaviŭ, što adpraŭlać pradukcyju ŭ dziciačyja damy abo ŭ dapamohu na paŭdniovy ŭschod Ukrainy niemetazhodna, pakolki «nieviadoma, kim vypracavana hetaja pradukcyja, jakija ryzyki jana ŭ sabie niasie».
Raniej u piatnicu ŭrad Rasii zaćvierdziŭ praceduru źniščeńnia niezakonna ŭviezienych u krainu praduktaŭ. Pazbaŭlacca ad sankcyjnych praduktaŭ zahadana «nieadkładna» ŭ prysutnaści nie mienš za dvuch niezacikaŭlenych asob. Akramia taho, dakumient abaviazvaje zapisvać praceduru na videa i fota z ukazańniem daty i času.
Na hetym tydni prezident Rasii Uładzimir Pucin padpisaŭ ukaz ab źniščeńni z 6 žniŭnia tavaraŭ, uvoz jakich zabaronieny ŭ ramkach praduktovaha embarha. Dziejańnie dakumienta nie raspaŭsiudžvajecca na tavary, uviezienyja fizičnymi asobami dla asabistaha karystańnia.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie16
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary