Na hieraldyčnym znaku ŭ Škłovie źjaviŭsia nadpis i pa-biełarusku
U Škłovie na hieraldyčnym znaku pamianiali šyldu. Pavodle krajaznaŭcy Alaksandra Hrudziny, na novaj šyldzie nazva horadu napisana na biełaruskaj i rasiejskaj movach.
Na staroj, jakaja tajamniča źnikła, biełaruskamoŭnaha adpaviednika nazvy horadu nie było, što vyklikała krytyku rupliŭcami biełaruskaj movy miascovaha čynavienctva. Čynoŭnikaŭ vinavacili ŭ niepavažlivym staŭleńni da nacyjanalnaj movy biełarusaŭ. Žychar Škłova namieśnik staršyni partyi BNF Ryhor Kastusioŭ nie vyklučaŭ, što budzie skardzicca Alaksandru Łukašenku, kab abaranić u Škłovie biełaruščynu.
Pra źniknieńnie šyldy z rasiejskamoŭnym nadpisam stała viadoma 31 lipienia. Hałoŭny architektar Škłoŭskaha rajonu Hieorhi Sivajeŭ zajaviŭ tady Radyjo Svaboda: «Šyldu źniali vandały, i ich užo šukaje MUS. I znojdzie, bo tam ustalavanaja videakamiera». Razam z tym u adździele milicyi skazali Svabodzie, što nijakich zajavaŭ pra źniknieńnie šyldy im nie pastupała.
Pavodle Ryhora Kastusiova, škłoŭskija čynoŭniki naŭmysna prydumali vandałaŭ, kab nie pryznavać svajoj pamyłki ŭ napisańni na šyldzie nazvy horadu tolki na rasiejskaj movie.
Krajaznaŭca Alaksandr Hrudzina, stojačy niepadalok ad hieraldyčnaha znaku, na jaki ŭstaloŭvali novuju šyldu, zaŭvažyŭ, što data zasnavańnia horadu na joj zastałasia raniejšaja — 1535 hod.
Pavodle histaryčnych krynic, u hety hod Škłoŭ byŭ zachopleny i spaleny rasiejskim vajavodam Vasilom Šujskim. Aficyjna hetuju padzieju i źviazvajuć z zasnavańniem horadu.
«Hetaja data pieradałasia Škłovu z savieckich časoŭ. I dahetul jaje vykarystoŭvajuć, nibyta praciahvajuć žyć u Savieckim Sajuzie», — davodzić Alaksandr Hrudzina. Jon kaža, što viadomyja raniejšyja zhadki Škłova. Jašče ŭ 1520 hodzie jaho apisaŭ aŭstryjski dyplamat Sihizmund fon Hierberštejn.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary