Hetyja srodki planujecca nakiravać na naładžvańnie vytvorčaści kuzavaŭ.
Iranski bok maje namier investavać u raźvićcio sumiesnaj ź Biełaruśsiu vytvorčaści aŭtamabilaŭ «Samand» amal $30‑40 młn. Pra heta zajaviŭ Nadzvyčajny i Paŭnamocny Pasoł Isłamskaj Respubliki Iran u Biełarusi Abdolchamid Fekry.
Pavodle jaho słoŭ, hetyja srodki planujecca nakiravać na naładžvańnie vytvorčaści kuzavaŭ aŭtamabila «Samand» na biełaruska‑iranskim SP. Abnaŭleńnie vytvorčaści daść mahčymaść źnizić sabiekošt vypuskajemych tut aŭtamabilaŭ, što ŭ svaju čarhu stanoŭča adabjecca na abjomach realizacyi. Pasoł nie vyklučaje, što ŭ perspektyvie vypuskajemaja technika budzie pastaŭlacca na ekspart.
U cełym pasoł adznačyŭ prymietnaje palapšeńnie biełaruska‑iranskich handlova‑ekanamičnych adnosin. Jak planujecca, na praciahu bližejšych dvuch miesiacaŭ Biełaruś naviedaje ministar pramysłovaści Iranu. U centry ŭvahi buduć pytańni pavieličeńnia ŭzajemnaha tavaraabarotu.
Jak padkreśliŭ Abdolchamid Fiekry, Biełaruś i Iran robiać kankretnyja zachady dla pavieličeńnia tavaraabarotu. U pryvatnaści, padrychtavany pieraliki tavaraŭ, jakija krainy płanujuć pastaŭlać adna adnoj. Razmova idzie taksama ab mahčymaści ŭviadzieńnia lhotnych uvaznych mytnych stavak adnosna hetych tavaraŭ.
Kamientary