Mohuć pieranieści i adkryćcio siezonu palavańnia.
Biełaruskija lashasy inicyjujuć zabaronu na naviedvańnie lasoŭ, paviedamlaje Ministerstva lasnoj haspadarki sa spasyłkaj na daručeńnie ministra. Zabarona maje być uviedzienaja ŭ suviazi z pavieličeńniem kłasu pažarnaj niebiaśpieki na bolšaj častcy respubliki. Pa krainie z pačatku siezonu zafiksavana 573 pažary na ahulnaj płoščy ŭ amal 5 tysiač hiektar.
Na 3 žniŭnia naviedvańnie lasoŭ zabaronienaje pa ŭsioj Bresckaj vobłaści, u Buda-Kašaloŭskim, Rečyckim, Jelskim, Brahinskim, Lelčyckim, Čačerskim i Karmianskim rajonach Homielskaj vobłaści, Lubanskim, Minskim, Dziaržynskim i Červieńskim rajonach Minskaj vobłaści.
Ministerstva taksama paviedamlaje pra zabaronu ŭ niaisnym u Biełarusi Starobinskim rajonie — mahčyma, majecca na ŭvazie Starobinski sielsaviet Salihorskaha rajonu albo sam Salihorski rajon. Apieratyŭna vyśvietlić heta ŭ «Našaj Nivy» nie atrymałasia.
U inšych rajonach Biełarusi naviedvańnie lasoŭ na 3 žniŭnia dazvolenaje.
Minlashas taksama vystupiŭ ź inicyjatyvaj ab pieranosie adkryćcia siezonu palavańnia na ptušku vadapłaŭnuju (akramia husiej) i bałotnuju, valdšnepa, viechira, hołuba šyzaha, pierapiołku i fazana, raniej zapłanavanaha na 8 žniŭnia. Rašeńnie pryniataje ŭ suviazi z ustanaŭleńniem na terytoryi krainy haračaha i suchoha nadvorja, a taksama ŭ metach praduchileńnia vypadkaŭ uźniknieńnia lasnych pažaraŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary