Na spabornictvach pa «tankavym bijatłonie», jakija prachodziać u Rasii na padmaskoŭnym palihonie Ałabina ŭ ramkach pieršych Armiejskich mižnarodnych hulniaŭ, nie abyšłosia biez ekscesaŭ.
gurkhan.blogspot
Padčas treniroŭki 46-tonny rasijski tank T-72 pieraviarnuŭsia na chutkaści 70 km/h. Šmattonnaja mašyna spačatku całkam pierakuliłasia, a paśla zastyła na baku.
Za ryčahami tanka znachodziŭsia ekipaž z Kuviejta. «Usie žyvyja, abyšlisia ranami i ŭdarami», — napisaŭ rasijski błohier Alaksiej Chłopataŭ i dadaŭ, što sam tank «praktyčna nie paciarpieŭ». Avaryja adbyłasia 28 lipienia za niekalki dzion da pačatku spabornictvaŭ, jakija startavali 1 žniŭnia i skončacca 15-ha.
Litaralna za niekalki siekund da hetaha adbyŭsia jašče adzin incydent – dakładna taki ž tank T-72 pad kiraŭnictvam armianskaha ekipaža nie zmoh praciahnuć treniroŭku paśla taho, jak atrymaŭ hidraŭdar – mator mašyny prosta nie vytrymaŭ takoj nahruzki.
Armiejskija mižnarodnyja hulni – spabornictvy siarod vajskoŭcaŭ, jakija ŭpieršyniu pravodziacca ŭ Rasii ŭ hetym hodzie. Ekipažy z 17 krain, u tym liku i ź Biełarusi, vystupajuć u 14 konkursach pa palavoj, pavietranaj i marskoj vyvučcy. Spabornictvy pačalisia 1 žniŭnia i praciahnucca dva tydni.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary