Paśla źniščeńnia sankcyjnych praduktaŭ žychary Smalenskaj vobłaści Rasii źbirajuć niedadušanaje. Fota biełaruskaha fotareparciora Hienadzia Mažejki, 7 žniŭnia.
Źniščeńnie praduktaŭ u słavianskaj tradycyi — heta hrech.
Pra heta zajaviŭ ministr sielskaj haspadarki Polščy Marek Savicki na pres-kanfierencyi 7 žniŭnia, paviedamlaje Polskaje radyjo.
Jon zaklikaŭ Uładzimira Pucina pierastać źniščać sankcyjnyja pradukty charčavańnia.
«Ja chaču zaklikać prezidenta Pucina, kab jon nie išoŭ pa śladach svaich papiarednikaŭ z Savieckaha Sajuza, ja maju na ŭvazie 30-ch hadoŭ. Kab jon nie źniščaŭ pradukty, jakija rasijskija pradprymalniki ź ciažkaściu kuplajuć na roznych rynkach Jeŭropy i śvietu», — skazaŭ jon.
Ministr taksama nahadaŭ, što heta ličycca hrachom.
«U našaj słavianskaj tradycyi źniščeńnia ježy, źniščeńnie chleba ličycca ciažkim hrachom. Spadaru Pucinu nie varta hetaha rabić. Heta nahadvaje Haładamor va Ukrainie i ŭ inšych rehijonach SSSR u 30-ch», — zajaviŭ Savicki.
Kiraŭnik polskaha sielskahaspadarčaha viedamstva adznačyŭ, što ŭ Jeŭropie mnohija pradukty charčavańnia vysokaj jakaści. «Spadar prezident Pucin, nie źniščajcie praduktaŭ. Dazvolcie svaim ziemlakam ich kuplać i karystacca tymi dobrymi prapanovami, jakija daje Polšča, i Jeŭrasajuz adkryty da supracoŭnictva z rasijskim hramadstvam», — padkreśliŭ Savicki.
Nahadajem, što 29 lipienia prezident Rasii Uładzimir Pucin padpisaŭ ukaz ab źniščeńni sankcyjnych praduktaŭ, z 6 žniŭnia ich pačali źniščać.
Rašeńnie pra źniščeńnie sankcyjnych praduktaŭ vyklikała masavaje abureńnie navat u rasijskim hramadstvie. Hazieta biznes-kołaŭ «Viedomosti» nazvała jaho «demanstratyŭnym varvarstvam».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary