Impartnyja budmateryjały, jakija ŭvoziacca ŭ Biełaruś, pavinny buduć mieć siertyfikat adpaviednaści Nacyjanalnaj sistemy paćviardžeńnia adpaviednaści. Heta praduhledžana pastanovaj Savieta Ministraŭ №658 ad 4 žniŭnia, jakoje siońnia aficyjna apublikavana na Nacyjanalnym pravavym internet-partale.
Patrabavańnie raspaŭsiudžvajecca na budaŭničyja materyjały i vyraby, jakija padlahajuć abaviazkovaj siertyfikacyi ŭ adpaviednaści z techničnym rehłamientam Respubliki Biełaruś «Budynki i zbudavańni, budaŭničyja materyjały i vyraby. Biaśpieka» (TR 2009/013/BY). U pryvatnaści, heta cemient, vokny, bałkonnyja dźviery, plity pierakryćcia šmatpustotnyja i sucelnyja dla žyłych i hramadskich budynkaŭ, ciepłaizalacyjnyja plity ź minieralnaj vaty, kieramičnyja, a taksama silikatnyja kamiani i cehła, błoki ź jačeistych bietonaŭ i inš. Usiaho 39 najmieńniaŭ.
Vyklučeńnie składzie pradukcyja, vyrablenaja ŭ dziaržavach — udzielnicach dahavora ab zonie svabodnaha handlu ad 18 kastryčnika 2011 hoda.
Dakumient pryniaty ŭ metach abarony ŭnutranaha rynku ad uvozu i prymianieńnia budaŭničych materyjałaŭ i vyrabaŭ, jakija nie adpaviadajuć abaviazkovym patrabavańniam biaśpieki i pakazčykam jakaści, i ŭstupaje ŭ siłu z 10 žniŭnia biahučaha hoda.
Kamientary