U Estonii prapanavali abviaścić ab zabaronie našeńnia parandžy jašče da prybyćcia biežanak-musulmanak
Pierad kabinietam ministraŭ Estonii pastaŭlena pytańnie ab zabaronie musulmankam, jakija prybuduć pa jeŭrapiejskaj prahramie pryjomu biežancaŭ, našeńnie ŭ hramadskich miescach parandžy.
Na pasiadžeńni kabinieta ministraŭ u čaćvier ministr sacyjalnych spraŭ Marhus Cakna prapanavaŭ praanalizavać prablemy, jakija mohuć uźniknuć z prybyćciom u Estoniju ludziej ź inšymi kulturnymi tradycyjami. Pra heta napisała ŭ piatnicu hazieta Eesti Paevaleht.
U liku inšaha ministr vystupiŭ ź idejaj z samaha pačatku zabaranić musulmankam zakryvać u hramadskich miescach tvar. Pavodle jaho słoŭ, u inšych krainach Jeŭropy ŭ ciapierašni čas sprabujuć zmahacca z hetaj źjavaj, ale biespaśpiachova.
«Roznyja inšyja dziaržavy sprabavali rehulavać padobnyja rečy zadnim dniom, što vyklikała prablemy. My chočam papiaredzić heta», — zajaviŭ ministr.
Jon taksama adznačyŭ, što zabarona na našeńnie parandžy adkazvaje i intaresam biaśpieki.
«My pryvykli, što ludziej možna identyfikavać ŭ publičnaj prastory. U Francyi taksama isnuje zabarona, jakaja zychodzić z toj ža łohiki biaśpieki», — adznačyŭ jon.
Na naradzie ES Estonija zajaviła raniej, što hatovaja pryniać da 200 biežancaŭ z afrykanskich krain Mižziemnamorja, dzie ŭ asnoŭnym pražyvaje musulmanskaje nasielnictva.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»22
Kamientary