Maci zahinułaha ŭ Minsku dziciaci paprasiła sud praindeksavać kampiensacyju
Mama 3-hadovaj Mašy, jakaja trahična zahinuła pad kołami Ford na staličnaj vulicy Rozy Luksiemburh u červieni 2014 hoda, patłumačyła sudu, što asnoŭnaja pryčyna zajaŭlenych joju patrabavańniaŭ ab indeksacyi — rost kursu dalara.
— 5 žniŭnia sud Maskoŭskaha rajona Minska pa zajavie istca razhledzieŭ pytańnie ab indeksacyi pamieru maralnaj škody maci zahinułaha ŭ DTZ dziciaci. Padobnaja indeksacyja była praviedzienaja z ulikam inflacyi, — paviedamili ŭ sudzie.
Nahadajem, padčas pracesu baćki dziaŭčynki zajaŭlali da vinavataha ŭ trahiedyi — ślesaru-santechniku adnaho sa staličnych ŽESaŭ — pazovy ab kampiensacyi maralnaj škody ŭ pamiery 1,5 młrd na dvaich — pa aktualnym na červień 2014 kursie kala 150 tysiač dołaraŭ. Maci tłumačyła jaje tym, što paśla trahiedyi siamji, mahčyma, pryjdziecca pamianiać miesca žycharstva, kab reabilitavać starejšuju dačku, jakaja vielmi ciažka pieražyvaje hibiel siastry — tady siamja žyła z baćkami baćki Mašy.
Jak stała viadoma AUTO.TUT.BY, na momant padačy iskavaj zajavy ab indeksacyi kampiensacyja była vypłačanaja nie całkam, adnak da momantu razhladu 200 młn kiroŭca siamji pieraličyŭ.
Sud indeksacyju zrabiŭ — suma kampiensacyi maralnaj škody pavialičyłasia bolš čym na 8 młn.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary