U Rasii Dziaržduma padtrymała abaviazkovaje VIČ-testavańnie pierad viasiellem
Ab hetym paviedamlaje rasijskaje ahienctva Interfaks sa spasyłkaj na dumski kamitet pa achovie zdaroŭja, dzie zajavili, što ŭchvalajuć prapanovu kiraŭnika Rasspažyŭnahladu Hanny Papovaj pravodzić abaviazkovaje testavańnie na VIČ pierad ustupleńniem u šlub.
Raniej hałoŭny sanitarny ŭrač Rasii Hanna Papova vystupiła z padobnaj prapanovaj na Usierasijskim moładzievym adukacyjnym forumie «Terytoryja sensaŭ na Klaźmie». Taksama jana ličyć nieabchodnym praviadzieńnie hienietyčnych abśledavańniaŭ i testaŭ na hiepatyt dla par, jakija chočuć zavieści dziciaci.
U Fiederalnym navukova-mietadyčnym centry pa prafiłaktycy i baraćbie sa ŚNIDam hetyja prapanovy taksama padtrymlivajuć, adnak ličać, što testavańnie na VIČ pavinna być nie abaviazkovym, a dobraachvotnym, «uśviadomlenym krokam». U pryvatnaści, ekśpierty źviartajuć uvahu na toje, što pry praviadzieńni testaŭ pierad šlubam nieviadoma, kamu mienavita varta paviedamlać ich vyniki. Taksama pakul nie prapracavana pytańnie taho, što budzie adbyvacca dalej z žanichom abo niaviestaj, u jakich vyjaviać infiekcyju.
Pavodle dadzienych Rasspažyŭnahladu, zaraz VIČ-inficyravanymi źjaŭlajucca 0,5% nasielnictva Rasii. Usiaho za pieryjad z 1986 pa 2014 virus vyjavili bolš čym u 900 tysiač čałaviek. Najbolšaja kolkaść nośbitaŭ infiekcyi vyjaŭlena ŭ Irkuckaj, Samarskaj, Śviardłoŭskaj i Kiemieraŭskaj abłaściach. Za hety čas 184.000 zaražanych pamierli.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary