Atrad Dobraachvotnickaha ŭkrainskaha korpusa «Pravy siektar» (DUK PS) uvojdzie ŭ skład ukrainskaj «Alfy» — najbolš elitnaha padraździaleńnia śpiecpryznačeńnia Słužby biaśpieki Ukrainy, paviedamiŭ kamandzir 5-ha asobnaha bataljona DUK PS z pazyŭnym «Čorny».
Takim čynam bajcy buduć ličycca aficyjnymi ŭdzielnikami Antyterarystyčnaj apieracyi, atrymajuć lehalnuju zbroju, zarobak, miedycynskuju dapamohu, pieradaje hromadske.tv.
Adbor dobraachvotnikaŭ i farmavańnie atrada budzie doŭhim i žorstkim — až da 6 miesiacaŭ. Usie projduć psichałahičnyja testy, detektar chłuśni, musiać być niesudzimymi, intelektualna i fizična zdolnymi.
«Čorny» kaža taksama, što bajcy DUK PS mohuć dobraachvotnikami iści ŭ adzinki Zbrojnych sił Ukrainy. Adzinaja struktura ź jakoj «Pravy siektar» nie viadzie pieramovaŭ pra lehalizacyju — heta Ministerstva ŭnutranych spraŭ. Pa jahonych słovach, heta pryncypovaje rašeńnie pryniataje z pryčyny nievykanańnia MUS patrabavańnia pra praviadzieńnie poŭnaha rasśledavańnia padziej na Majdanie.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary