U Estonii prapanujuć zasnavać miždziaržaŭny sud dla rasśledavańnia złačynstvaŭ kamunizmu
Złačynstvy kamunistyčnaha režymu varta rasśledavać hetak ža, jak rasśledujucca złačynstvy nacyzmu, adnak dla hetaha ŭ pieršuju čarhu nieabchodna zasnavać sud, jaki mieŭ by status miždziaržaŭnaha orhana.
Pra heta zajaviŭ ministr justycyi Urmas Rejnsału, vystupajučy ŭ subotu na manifiestacyi pamiaci achviar tatalitaryzmu ŭ Pilistviere, paviedamlaje Postimees.
«My pavinny vynieści złačynstvam kamunistyčnaha režymu acenku mižnarodnaha ŭzroŭniu i sumiesna asudzić ich. Złačynstvy kamunistyčnych režymaŭ na siońniašni dzień nie padlahajuć kampietencyi ni adnaho mižnarodnaha suda. Tamu ja prapanuju zaklučyć miždziaržaŭnaje mižnarodnaje pahadnieńnie, u adpaviednaści ź jakim budzie zasnavany miždziaržaŭny sud dla rasśledavańnia złačynstvaŭ kamunizmu, tak, jak rasśledujuć złačynstvy nacyzmu», — zajaviŭ Rejnsału.
Pavodle jaho słoŭ, hetaha patrabuje pamiać ab achviarach i novaje pakaleńnie jeŭrapiejcaŭ pavinna ŭziać na siabie adkaznaść za toje, kab złačynstvy kamunizmu byli b asudžanyja.
Heta prapanova budzie ŭklučana ŭ paradak dnia mižnarodnaj kanfierencyi, što adkryvajecca ŭ niadzielu ŭ Talinie, prymierkavanaj da čarhovaj hadaviny paktu Mołatava-Rybientropa, u jakoj prymuć udzieł palityki i ekśpierty z mnohich krain.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary