Uralski akruhovy vyjazny vajenny sud u Dušanbe pryznaŭ vinavatymi ŭ zabojstvie tadžykskaha taksista dvaich rasijskich vajskoŭcaŭ Ildara Sachapava i Fiodara Basimava.
Sachapaŭ praviadzie ŭ źniavoleńni 13 hadoŭ, Basimaŭ, taksama pryznany vinavatym u kradziažy hrošaj zabitaha, — 17 hadoŭ.
Paśla ŭstupleńnia prysudu ŭ zakonnuju siłu rasijskija vajskoŭcy budzie vysłanyja z Tadžykistana na radzimu dla adbyćcia pakarańnia.
Akramia taho, sud zadavoliŭ pazoŭ paciarpiełaha boku ab vypłacie kampiensacyi maralnaj škody ŭ pamiery miljona rubloŭ (14,4 tys. dalaraŭ). Pavodle prysudu Fiodar Basimaŭ pavinien vypłacić 60% ad hetaj sumy, a Ildar Sachapaŭ — 40%.
Cieła 40-hadovaha Rachimdžona Tešabojeva sa śladami šmatlikich nažavych ranieńniaŭ i zadušvańnia było znojdziena ŭ jaho aŭtamabili ŭ noč na 19 žniŭnia 2014 hoda ŭ vakolicach Dušanbe. Pa viersii śledstva, asnoŭnym matyvam žorstkaha zabojstva taksista Tešabojeva staŭ hrašovy doŭh u pamiery 103 tysiač rubloŭ — hrošy zabitamu byŭ vinien rasijski kantraktnik Fiodar Basimaŭ.
Pavodle viersii abvinavačvańnia, vajskoviec Basimaŭ nieadnarazova zajmaŭ hrošy ŭ znajomaha tadžykskaha taksista pad pracenty.
Za apošnija niekalki miesiacaŭ u Tadžykistanie adbyłosia niekalki surjoznych incydentaŭ, udzielnikami jakich stanavilisia rasijskija vajskoŭcy, što vyklikała šyroki rezanans i stała padstavaj dla novych dyskusij ab rasijskaj vajennaj prysutnaści ŭ rehijonie.
Kamientary