Pałažeńnie ab paradku atrymańnia, uliku, rehistracyi, vykarystańnia zamiežnaj biazvypłatnaj dapamohi, kantrolu nad jaje atrymańniem i metavym vykarystańniem, a taksama rehistracyi humanitarnych prahram zaćvierdžana dekretam № 5 «Ab zamiežnaj biazvypłatnaj dapamozie», jaki Alaksandr Łukašenka padpisaŭ 31 žniŭnia. Tekst dakumienta raźmieščany na Nacyjanalnym pravavym internet-partale.
U dekrecie vyznačany pieralik metaŭ, na jakija možna vykarystoŭvać zamiežnuju dapamohu. U pryvatnaści, dazvolena vykarystoŭvać srodki dla likvidacyi nastupstvaŭ nadzvyčajnych situacyj pryrodnaha i technahiennaha charaktaru; praviadzieńnia navukovych daśledavańniaŭ, raspracovak, navučańnia, a taksama realizacyi navukova-daśledčych prahram; sadziejańnia achovie historyka-kulturnaj spadčyny, raźvićciu biblijatečnaj i muziejnaj spravy, kiniematahrafii, vyjaŭlenčaha, dekaratyŭna-prykładnoha, manumientalnaha, muzyčnaha, teatralnaha, chareahrafičnaha, estradnaha, cyrkavoha i inšych vidaŭ mastactvaŭ (uklučajučy stvareńnie novych tvoraŭ, padrychtoŭku kankretnych prahram, pastanoŭku śpiektaklaŭ), praviadzieńnia kulturnych mierapryjemstvaŭ, a taksama raźvićcia i padtrymki narodnaj tvorčaści, narodnych promysłaŭ (ramiostvaŭ), raźvićcia asabliva padachoŭnych pryrodnych terytoryj, achovy navakolnaha asiarodździa i racyjanalnaha vykarystańnia pryrodnych resursaŭ.
Akramia taho, zamiežnuju biazvypłatnuju dapamohu možna budzie vykarystoŭvać dla zabieśpiačeńnia vykanańnia pakarańniaŭ, prafiłaktyki pravaparušeńniaŭ i prapahandy zakonapasłuchmianaha ładu žyćcia; akazańnia miedycynskaj dapamohi, u tym liku miedyka-sacyjalnaj dapamohi; akazańnia sacyjalnaj dapamohi małazabiaśpiečanym hramadzianam, invalidam, piensijanieram, dzieciam, mnahadzietnym, niapoŭnym, apiakunskim i pryjomnym siemjam, a taksama hramadzianam, jakija akazalisia ŭ ciažkaj žyćciovaj situacyi; umacavańnia materyjalna-techničnaj bazy dziaržaŭnych ustanoŭ, budaŭnictva, ramontu (rekanstrukcyi) abjektaŭ sacyjalnaha pryznačeńnia; raźvićcia fizičnaj kultury i sportu, dziciača-junackaha sportu, u tym liku praviadzieńnia fizkulturna-azdaraŭlenčaj i spartyŭna-masavaj raboty; a taksama inšych metaŭ, jakija vyznačajucca Kiraŭnictvam spravami prezidenta.
Ustanoŭlena, što adnosna dapamohi ŭ pamiery, jaki nie pieravyšaje 500 bazavych vieličyń na datu jaje pastupleńnia, prajekty realizujucca biez uzhadnieńnia z prezidentam. Kali pamier dapamohi pieravyšaje 500 bazavych vieličyń, patrabujecca ŭzhadnieńnie prezidenta na jaje vykarystańnie.
Zamiežnaja dapamoha nie moža być vykarystanaja dla ažyćciaŭleńnia ekstremisckaj dziejnaści, inšych dziejańniaŭ, zabaronienych zakanadaŭstvam, abo finansavańnia palityčnych partyj, sajuzaŭ (asacyjacyj) palityčnych partyj; padrychtoŭki abo praviadzieńnia vybaraŭ, refierendumaŭ, adklikańnia deputataŭ Pałaty pradstaŭnikoŭ i členaŭ Savieta Respubliki, deputataŭ miascovaha Savieta deputataŭ, arhanizacyi abo praviadzieńnia schodaŭ, mitynhaŭ, vuličnych šeściaŭ, demanstracyj, pikietavańnia, zabastovak, vyrabu abo raspaŭsiudžvańnia ahitacyjnych materyjałaŭ; praviadzieńnia sieminaraŭ abo inšych form palityčnaj i ahitacyjna-masavaj raboty siarod nasielnictva.
Akramia taho, u dekrecie ŭstanoŭleny paradak raschodavańnia zamiežnaj biazvypłatnaj dapamohi, jakaja atrymlivajecca dypłamatyčnymi pradstaŭnictvami i konsulskimi ŭstanovami Biełarusi.
Asnoŭnyja pałažeńni dekreta nabyvajuć moc praz šeść miesiacaŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary