Polšča i Šviecyja pahłyblajuć vajennaje supracoŭnictva praz ahresiju RF va Ukrainie
Polšča i Šviecyja ahulna aceńvajuć situacyju ŭ śfiery biaśpieki, a tamu abaronnyja viedamstvy abiedźviuch krain pačynajuć stratehičnaje supracoŭnictva.
Pra heta paśla sustrečy ŭ Varšavie zajavili vice-premjer, ministr abarony Polščy Tomaš Siemoniak i ministr abarony Šviecyi Pieter Hultkvist.
«My abodva bačym, jak za dva hady ŭ rehijonie kardynalna źmianiłasia situacyja: ahresija va Ukrainie, anieksija Kryma — heta novyja determinanty pahrozy dla našych dziaržaŭ. Bałtyjskaje mora pieratvaryłasia z mora miru ŭ mora pahroz, tamu pahłybleńnie našaha vajennaha supracoŭnictva, pa našym ahulnym pierakanańni, źjaŭlajecca nieabchodnym i metazhodnym», — skazaŭ Siemoniak.
«Toj fakt, što Rasija pačała kanflikt va Ukrainie, anieksavała Krym, całkam źmianiŭ rasstanoŭku sił u našaj častcy Jeŭropy. My nazirajem taksama uzmocnienuju aktyŭnaść Rasii ŭ Bałtyjskim mory», - skazaŭ Hultkvist. «Tamu, — dadaŭ jon, - šviedski parłamient vyrašyŭ pavialičyć vydatki na abaronu na 11% na praciahu piaci hadoŭ».
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary