Pradprymalniki ź biełaruskich rehijonaŭ nakiravali listy prezydentu Ŭkrainy Viktaru Juščanku i premjer‑ministru Julii Cimašency.
Pavodle siabra kampanii «Za svabodnaje raźvićcio pradprymalnictva» Mikałaja Čarnavusa, u listach pradprymalniki vykazvajuć žadańnie razam z pradprymalnikami inšych rehijonaŭ «abmierkavać pytańnie ŭzajemnaha supracoŭnictva. A mienavita: budaŭnictva optavych rynkaŭ u piacikilametrovaj zonie miažy z Respublikaj Biełaruś».
Jak patłumačyŭ dla BiełaPAN M. Čarnavus, z pryčyny ŭviadzieńnia ŭkazu 760 mnohija pradprymalniki nia mohuć narmalna pracavać i nabyvać tavar, tamu što vymušanyja sami handlavać za pryłaŭkam. Heta pryniesła «parušeńnie dziełavoha supracoŭnictva miž pradprymalnikami Biełarusi i Ŭkrainy». Ciapier mnohija biełaruskija IP jeździać pa tavar u h. Chmialnicki va Ŭkrainie, a kali b optavyja składy znachodzilisia niepadalok ad miažy, heta palehčyła b ichnuju pracu, skazaŭ M. Čarnavus.
Kamientary