Ukrainskija kandytary nazvali dyskryminacyjnymi dziejańni ŭładaŭ Biełarusi
Asacyjacyja «Ukrkondprom» zaklikała ŭrad Ukrainy zrabić dziejsnyja zachady ŭ adkaz na abaviazkovuju sanitarna-hihijeničnuju ekspertyzu impartnaj pradukcyi, jakuju ŭviała Biełaruś z 27 žniŭnia.
Pavodle pres-relizu asacyjacyi, z-za hetaha rašeńnia Miensku dostup ukrainskich tavaraŭ na rynak Biełarusi istotna abmiežavaŭsia. A straty ŭkrainskaj kandytarskaj haliny dasiahnuli 40 młn hryŭniaŭ (amal 2 młn dalaraŭ) i pavialičvajucca dalej.
Pavodle kiraŭnika «Ukrkondproma» Alaksandra Bałdziniuka, Biełaruś adkryta parušaje pahadnieńnie pra svabodny handal SND ad 2011 hodu. Taksama ŭ asacyjacyi adznačyli, što Biełaruś štohod źviartajecca da roznych technalohij blakavańnia dostupu ŭkrainskich vytvorcaŭ da svajho rynku.
«Biełaruś, ekspluatujučy ŭkrainski rynak u režymie najbolšaha spryjańnia, jaki zabiaśpiečvajecca joj ukrainskim bokam, i majučy stanoŭčaje handlovaje salda z Ukrainaj u pamiery kala 0,5 młrd dalaraŭ, sama źviartajecca da niezakonnych administracyjnych metadaŭ blakavańnia dostupu ŭkrainskich tavaraŭ na biełaruski rynak», — havorycca ŭ pres-relizie.
Asacyjacyja «Ukrkondprom» padała ŭ Minekanamraźvićcia Ŭkrainy zajavu, kab pravieści admysłovaje raśśledavańnie. Kab vyjavić dyskryminacyjnyja i niedružalubnyja dziejańni z boku Biełarusi adnosna ŭkrainskich vytvorcaŭ.
Pastanovaj biełarukaha ŭradu № 666, jakaja ŭstupiła ŭ siłu 27 žniŭnia, uviedziena dziaržaŭnaja sanitarna-hihijeničnaja ekspertyza pradukcyi zamiežnaj vytvorčaści. Hetaja ekspertyza adnak nia tyčycca pradukcyi biełaruskich vytvorcaŭ i vytvorcaŭ krain EAES uklučna z Rasiejaj.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary