Uładzimir Pucin zajaviŭ, što rasijskija vojski nie buduć udzielničać u jakich-niebudź vajennych apieracyjach u Siryi.
«Rasija nie budzie ŭdzielničać ni ŭ jakich vajskovych apieracyjach na terytoryi Siryi abo ŭ inšych dziaržavach, va ŭsiakim razie, na siońniašni dzień my hetaha nie płanujem, — skazaŭ rasijski prezident u intervju prahramie «60 chvilin» amierykanskaha telekanała Si-bi-es.
Tym nie mienš, jon padkreśliŭ hatoŭnaść Rasii aktyvizavać dapamohu ŭradu Bašara Asada, zajaviŭšy, što ŭ Siryi zaraz jość tolki adna lehitymnaja armija. Pucin nazvaŭ padtrymoŭvanyja Vašynhtonam atrady siryjskaj apazicyi terarystyčnymi arhanizacyjami.
«Tam jość tolki adna zvyčajnaja lehitymnaja armija. Heta armija prezidenta Siryi Asada. I jamu supraćstaić, pa interpretacyi niekatorych našych mižnarodnych partnioraŭ, apazicyja. Ale na samaj spravie, u žyćci, realna armija Asada zmahajecca z terarystyčnymi arhanizacyjami», — skazaŭ rasijski prezident u adkaz na słovy žurnalista Si-bi-es Čarli Roŭza ab tym, što rasijskija bajavyja samaloty i sistemy PZRK vykarystoŭvajucca ŭ Siryi suprać zvyčajnaj armii, a nie suprać ekstremistaŭ.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary