Pieršuju ŭ Biełarusi apieracyju pa adnaŭleńni razburanaha pazvanka pravioŭ ŭ Homieli niamiecki prafiesar
Pieršaja ŭ Biełarusi apieracyja pa adnaŭleńni razburanaha pazvanka (kifapłastyka) praviedziena 3 kastryčnika ŭ Homielskaj abłasnoj kliničnaj balnicy.
«Kifapłastyka da siońnia ŭ Biełarusi nie vykonvałasia. Jaje sutnaść zaklučajecca ŭ tym, što z dapamohaj śpiecyjalnych prystasavańniaŭ pad renthienałahičnym kantrolem u cieła złamanaha pazvanka ŭvodzicca silikonavy bałon, jaki zdolny vytrymlivać značnuju nahruzku i jaki dazvalaje adnavić vyšyniu pazvanka. Paśla adnaŭleńnia vyšyni va ŭźnikłuju paražninu ŭvodzicca śpiecyjalny kaściany cemient, jaki umacoŭvaje pazvanok i nie dazvalaje jamu bolš łamacca. Usio heta robicca mietadam prakołaŭ, biez vykarystańnia skalpiela», — raspavioŭ zahadčyk niejrachirurhičnaha adździaleńnia №2 balnicy Siarhiej Kirylenka.
U 67-hadovaj pacyjentki z-za nadnyračnaj niedastatkovaści źmianiłasia struktura kaścianoj tkanki i adbylisia patałahičnyja pierałomy pazvankoŭ.
Małainvaziŭnuju apieracyju pravioŭ prafiesar Hiejdielbierhskaj univiersiteckaj kliniki (Hiermanija) Kryścijan Kaśpierk, asistentam byŭ Siarhiej Kirylenka.
«Žančyna paśla apieracyi ŭ pieršuju čarhu pazbavicca ad bolevaha sindromu, a ŭličvajučy, što apieracyja małainvaziŭnaja, jana skora zmoža viarnucca da paŭnavartasnaha žyćcia», — skazaŭ chirurh.
U pierśpiektyvie dadzienaja mietodyka atrymaje šyrokaje prymianieńnie ŭ Biełarusi. Da źjaŭleńnia homielskaha adździaleńnia ŭ Biełarusi ekstrannuju dapamohu ludziam, jakija atrymali traŭmu pazvanočnika, akazvaŭ tolki RNPC traŭmatałohii i artapiedyi ŭ Minsku. Tam štohod pravodzicca kala 1,2 tys. apieracyj na pazvanočniku, 350—400 ź jakich ekstranyja.
Kamientary