Praz 9 miesiacaŭ paśla zajavy MUS pra błakavańnie «narkasajtaŭ» adzin ź ich praciahvaŭ dziejničać SKRYNŠOTY
Dzieviać miesiacaŭ tamu kiraŭnik Upraŭleńnia pa narkakantroli MUS Vasil Łosič skazaŭ, što pytańnie zakryćcia bolšaści resursaŭ pa prodažy «spajsaŭ» — heta pytańnie času.
Nasamreč, nieŭzabavie dostup da najbujniejšaha i, pa fakcie adzinaha realna pracujučaha sajta, byŭ zakryty.
Ale, jak vyjaviła «Naša Niva», samy papularny siarod pradaŭcoŭ i spažyŭcoŭ zła sajt iznoŭ dziejničaje. (My zaciorli tolki ŭsie adrasy i spasyłki.)
My vyjšli na jaho, nie karystajučysia ni TORam, ni inšymi ananimajzierami — jaho adkryvaje prosty braŭzier «Huhł Chrom».
U Ministerstvie infarmacyi hetu dziŭnuju situacyju patłumačyć nie zdoleli, paraiŭšy źviartacca ŭ Respublikanskaje ŭnitarnaje pradpryjemstva pa nahladzie za elektrasuviaźziu, jakoje i błakuje sajty paśla zahadaŭ inšych viedamstvaŭ.
Načalnik tamtejšaha adździełu infamacyjnych technałohij Alaksandr Simončyk skazaŭ, što nie viedaje, ci zabłakavany hety resurs: heta zakrytaja infarmacyja.
Tym nie mienš, na sajt možna prabicca — heta fakt, jaki patrabuje reahavańnia.
P.S. 13.55. Litaralna adrazu paśla publikacyi našaj infarmacyi sajt staŭ niedastupny, ale paśla my znoŭ zmahli zajści na staronku.
Kamientary