«My ž nie viedali, što tam znachodzicca aeradrom». Biełarus Anton Mackievič patłumačyŭ, čamu sprabavaŭ spynić ukrainskija drony z fury
Biełarus Anton Mackievič u intervju dziaržaŭnamu kanału patłumačyŭ, čamu sprabavaŭ spynić drony, što vylatali z fur u Irkuckaj vobłaści dla ataki na vajskovyja aeradromy.
Anton kaža, što sprava była na stajancy, i na stajancy była zapraŭka.
«Pieršaj spravaj my adhaniali ŭsie mašyny ad jaje, kab byŭ dostup da zapraŭki», — kaža jon.
Potym pryjechała patrulnaja słužba. Palicejskija pasprabavali źbić drony aŭtamatnymi čerhami, ale ŭ ich nie atrymałasia.
Potym pryjechaŭ niejki pałkoŭnik, jaki kiravaŭ vidavočcami.
«Jon zalez u kuzaŭ pryčepa źvierchu, pahladzieŭ — tam sapraŭdy byli drony.
Paprasiŭ dapamohi, i, zrazumieła, my pačali vykarystoŭvać usio, što było pad rukoj: kavałki asfaltu, bruski, kamiani. My prynosili ich da mašyny i zakidvali — cisnuli hetyja drony, nakładvali na łopaści, na vinty, kab jany nie zmahli ŭźlacieć. Naša pieršaja zadača była — nie dać im pakinuć hruzavik», — raskazaŭ mužčyna.
U niejki momant pałkoŭnik zakryčaŭ, što treba ŭciakać. «Ja tak zrazumieŭ, što bieśpiłotnik pačaŭ padymacca, ale nie zmoh. My adbiehli ad mašyny, i prykładna praz 30 siekund adbyŭsia vybuch», — kaža Anton.
Pałkoŭnik prykładna paličyŭ, što ŭ mašynie znachodziłasia kala 20 bieśpiłotnikaŭ — «moža bolš, moža mienš».
«My ŭžo potym uśviadomili, što jany mahli nakryć i nas. Nas tam taksama było niamała, ale, viedajecie, u pieršuju čarhu dumali: a raptam pobač dzieci, žančyny, mužčyny? My ž nie viedali, što tam aeradrom i kudy jany laciać. I naša hałoŭnaja zadača była — maksimalna chutka i efiektyŭna pieraškodzić ich uźlotu i ŭsim nastupstvam. Tamu my dziejničali zładžana i apieratyŭna», — kaža biełarus.
1 červienia Ukraina praviała masiravanuju ataku na vajskovyja aeradromy Rasii. Drony padvieźli da aeradromaŭ u furach.
Hienštab Ukrainy: U niadzielu parazili 12 rasijskich samalotaŭ
U Rasii apublikavali aryjenciroŭku na ŭładalnika fur, jakoha padazrajuć u dačynieńni da ataki na vajskovyja aeradromy
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton
Kiroŭcy fur z dronami, što atakavali rasijskija aeradromy, raskazali, chto i navošta ich naniaŭ
«Ruski Piorł-Charbar». Z-kanały ŭ šoku ad ukrainskaj ataki na rasijskija aeradromy
Ukraina masiravana atakavała rasijskija aeradromy i źniščała bambardzirovačnuju avijacyju
Kamientary
Jaki ŭzrovień samapavahi patrebny być?
Chaj toj kamandzir sa svaimi padnačalenymi biehaje, a nie padstaŭlaje vypadkovych hramadzianskich ludziej. U mientoŭskaj krainie (jak u nas) vykanaŭcaŭ nie znajšłosia.
Uvohule praviła: bačyš ukrainski dron - nie čapaj, chaj dalacić da svajoj vajennaj celi. Kali čapać, źbivać - moža niešta paškodzić pa darozie.
I što ty budzieš rabić, kali nad taboj palicyja staić, i drony kala zapraŭki vybuchajuć, i jość ryzyka, što tvaja fura ŭ vyniku pažara zharyć?