Nie tolki lehiendarny «Supier 8». Jakija jašče atrakcyjony nie buduć pracavać u Minsku ŭ hetym siezonie
U Dziaržpramnahladzie zarehistravany 34 miechanizavanyja i 4 pierasoŭnyja atrakcyjony, a taksama 20 vodnych spuskaŭ. Niekalki atrakcyjonaŭ dopusk da ekspłuatacyi ŭ hetym siezonie nie atrymali, pišuć Minsk-Naviny.
Miechanizavanyja atrakcyjony ŭstanoŭleny ŭ parku kultury i adpačynku imia Čaluskincaŭ, Centralnym dziciačym parku imia. Horkaha, parku imia 900-hodździa Minska i parku imia Uha Čaviesa, a taksama ŭ Centry harnałyžnaj padrychtoŭki na vulicy Kazinca.
— U pačatku siezonu 2025 hoda nie byli dapuščanyja da ekspłuatacyi čatyry miechanizavanyja atrakcyjony.
Dva ź ich — «Dziciačaje koła ahladu» ŭ parku imia Horkaha i «Arelki» ŭ parku imia Čaluskincaŭ — znachodziacca ŭ ramoncie. «Majatnikavyja areli«Zubr» (u narodzie — «Ładździa») i «Miechanizavanyja horki z daŭžynioj trasy da 300 mietraŭ» («Supier-8»), ustanoŭlenyja ŭ parku imia Čaluskincaŭ, vyviedzieny z ekspłuatacyi, pakolki adpracavali try i bolš narmatyŭnyja terminy słužby. U 2025 hodzie płanujecca ich demantaž i ŭtylizacyja, — adznačyli ŭ Minskim haradskim upraŭleńni Dziaržpramnahladu.
— Nahadajem, što sioleta byli ŭniesieny źmieny ŭ Praviły pa zabieśpiačeńni pramysłovaj biaśpieki atrakcyjonaŭ — ciapier ich ekspłuatacyja abmiažoŭvajecca tryma narmatyŭnymi terminami. Taksama ŭ biahučym siezonie nie płanujecca vykarystańnie čatyroch pierasoŭnych atrakcyjonaŭ.
Atrakcyjony, dapuščanyja da ekspłuatacyi, prajšli techničnaje aśviedčańnie i dadatkovuju techničnuju dyjahnostyku (dla techniki, što adpracavała pryznačany termin słužby) z stanoŭčymi vynikami.
— Atrakcyjony byli ahledžanyja ekśpiertami Dziaržpramnahladu. Abstalavańnie padviarhałasia vyprabavańniam z naminalnaj nahruzkaj, a taksama z nahruzkaj, što pieravyšaje naminalnuju na 10%. Byli vydadzieny stanoŭčyja zaklučeńni ab adpaviednaści atrakcyjonaŭ patrabavańniam zakanadaŭstva Biełarusi ŭ halinie pramysłovaj biaśpieki, — padkreślili ŭ Minskim haradskim upraŭleńni Dziaržpramnahladu.
Kamientary