Na novy siezon «Movy nanova» ŭ Breście pryjšło stolki ludziej, što nie źmiaściła zała FOTY
U Bieraści adkryŭsia nastupny siezon kursaŭ «Mova nanova». Hvazdom prahramy pieršych zaniatkaŭ staŭ viadomy aktor i viadoŭca pieradačy «Padarožžy dyletanta» Juryj Žyhamont, dziakujučy ŭ mnohim mienavita jaho piersonie zaniatki byli anšłahavymi. Cikavaść słuchačoŭ vyklikaŭ i muzyčny hurt «Navi» — jašče adzin hość sa stalicy.
Vykładčyca Vola Małafieječava kaža pra niekatoryja źmieny ŭ raskładzie kursaŭ:
– U nas źmianiŭsia dzień zaniatkaŭ, u nas raździalilisia dni. U subotu budzie «Mova nanova» dzietkam, a ŭ paniadziełki ŭviečary buduć zvyčajnyja našy kursy «Mova nanova». Spadziajusia, što taki čas budzie zručny dla ludziej paśla pracy. My źbirajemsia zaprašać šmat haściej.
Na pieršyja zaniatki «Movy nanova ŭ Bieraści» pryjšło bolš za 60 čałaviek, pryčym šmat ź ich naviedali kursy ŭpieršyniu. Razam z tym dla raźvićcia inicyjatyvy bieraściejskim viadoŭcam patrebnaja dapamoha, i jany šukajuć vałancioraŭ dla fota- i videazdymak.
Kamientary