Kiraŭnik ministerstva abarony ZŠA Eštan Karter nazvaŭ biezadkaznymi dziejańni Rasii ŭ Siryi, adznačyŭšy, što Maskva nikoha nie papiaredziła ab zapusku kryłatych rakiet z Kaśpijskaha mora.
Pa słovach Kartera, adna z rasiejskich rakiet prajšła ŭsiaho ŭ niekalkich kiłamietrach ad amierykanskaha bieśpiłotnika, i ŭ budučyni padobnyja niaŭzhodnienyja abstreły mohuć pryvieści da značna bolš sumnych nastupstvaŭ.
U suviazi z hetym, adznačyŭ Karter, ZŠA i ich sajuźniki ŭsurjoz zaniepakojenyja niepradkazalnaściu Rasii. Akramia niečakanaha zapusku rakiet tryvohu Pientahona vyklikajuć i zajavy Turcyi pra ŭvarvańnie rasijskich samalotaŭ u jaje pavietranuju prastoru.
Karter adznačyŭ, što ličyć dziejańni Maskvy ŭsio bolš nieprafiesijnymi. Na jaho dumku, užo ŭ samym chutkim časie Rasija paniasie ŭ Siryi pieršyja straty.
Kamientary