Masavyja chvalavańni — u administracyjnym centry Tybetu Łchasie. Sama mała zahinuli dva čałavieki, lik paranienych idzie na dziasiatki.
U piatnicu, 14 sakavika, na demanstracyi znoŭ vyjšli tysiačy ludziej, jakija vystupajuć suprać kitajskaj ułady ŭ rehijonie.
A 14:00 pavodle miascovaha času (8:00 pavodle mienskaha) na dźviuch centralnaj vulicach Łchasy, vakoł manastyroŭ Jokchan, Ramoš, a taksama rynku Čomihchan, zaharelisia niekalki handlovych kropak.
«Interfaks» paviedamlaje, što ŭ vuličnych sutyčkach dziasiatki čałaviek atrymali traŭmy. Aproč taho, vidavočcy paviedamlajuć, što čuli streły. U metach biaśpieki ŭ horadzie začynieny niekatoryja hateli i kramy.
Ad paniadziełka budyjskija manachi pravodziać u Tybecie manifestacyi z nahody 49‑j hadaviny paŭstańnia ŭ Łchasie, jakoje skončyłasia vyhnańniem duchoŭnaha lidera Tybetu Dałaj‑łamy.
Aficyjny Pekin pakul nie kamentuje padziei. Ale raniej u čaćvier aficyjny pradstaŭnik zamiežnapalityčnaha viedamstva krainy Cyń Han zajaviŭ, što biesparadki ŭ Tybecie jość palityčna «zaplanavanym krokam hrupy asob, što padtrymlivajuć Dałaj‑łamu, i skiravanyja na toje, kab parušyć narmalnaje harmaničnaje žyćcio tybeckaha narodu».
Pavodle apošnich źviestak usio jość achviary, sama mała zahinuli dva čałavieki, ułady Kitaju abmiežavali tranślacyju zamiežnych kanałaŭ.
Kamientary