Rasijski sajt Znak.com atrymaŭ aficyjnaje papiaredžańnie Raskamnahladu za skan z tvitara, dzie było raźmieščanaje fota ściaha Rasii, jaki topčuć razhnievanyja ludzi — jak śćviardžajecca, žychary Alepa, aburanyja rasijskim abstrełam.
Pavodle zajavy rasijskaha nahladnaha viedamstva, ilustracyja adlustroŭvaje hrupu ludziej, jakija apahańvajuć dziaržaŭny ściah Rasii, a takoje dziejańnie źjaŭlajecca ŭ RF złačynstvam.
«Zhodna z č. 6 art. 10 Fiederalnaha zakona № 149-FZ «Ab infarmacyi, infarmacyjnych technałohijach i ab abaronie infarmacyi» zabaraniajecca publikacyja infarmacyi, za raspaŭsiud jakoj praduhledžanaja kryminalnaja abo administracyjnaja adkaznaść», — havorycca ŭ paviedamleńni.
Spasyłajučysia na 16 artykuł rasijskaha zakona ab ŚMI, Raskamnahlad vynies redakcyi i zasnavalniku Znak.com papiaredžańnie. Pa zakonie, kali na praciahu hoda srodak masavaj infarmacyi atrymlivaje takija piśmovyja papiaredžańni «nieadnarazova», heta moža stać padstavaj dla spynieńnia jaho dziejnaści.
U artykule ad 8 kastryčnika havorycca ab antyrasiejskaj demanstracyi, jakaja adbyłasia ŭ siryjskim horadzie Alepa paśla taho, jak rasiejskaja avijacyja mierkavana naniesła ŭdar pa hetym horadzie, jaki znachodzicca pad kantrolem apazycyi, ale nie hrupoŭki ID. Ab demanstracyi, jak skazana ŭ tekście, paviedamiŭ karystalnik tvitara pad psieŭdanimam bangkokdave. Jon ža i raźmiaściŭ fota, retvit jakoha raźmiaściŭ błohier Rustem Adahamaŭ — skan jaho pasta i byŭ pryviedzieny ŭ publikacyi Znak.com.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary