Ukrainskaja lotčyca Nadzieja Saŭčanka, jakuju sudziać ciapier u rasijskim Daniecku, zavočna adkazała piśmieńnicy Śviatłanie Aleksijevič.
Sioletniaja nobieleŭskaja łaŭreatka davała intervju, u jakim aryšt ukrainskaj lotčycy nazvała vykradańniem i zapatrabavała vyzvalić Saŭčanka. Dziejańni ŭkrainskaha vojska jana nazvała abaronaj radzimy. Aleksijevič zajaviła: «Kali ja padpisvała tekst lista, to ŭspomniła znakamity zdymak, na jakim Pucin pakazany viercham na kani — napaŭhoły, tors taki mahutny. I voś ja dumaju: nu jak heta ŭžyvajecca z tym, što mužčyna vajuje z žančynaj? Z takimi mocnymi, cikavymi žančynami»
Vytrymki ź intervju žurnalisty pieradali ŭkrainskaj lotčycy. Saŭčanka padziakavała piśmieńnicy za staŭleńnie da jaje samoj i da Ukrainy.
«Vialiki dziakuj za ŭryvak ź intervju vialikaj biełaruskaj piśmieńnicy Śviatłany Aleksijevič. U Rasii jaje nazvali savieckaj piśmieńnicaj, Parašenka nazvaŭ ukrainkaj, ale jana dačka vialikaha i hodnaha biełaruskaha naroda! Jana zasłužyła prava prasłavić svaju Radzimu i svaju nacyju na ŭvieś śviet! I nie treba jaje pierachryščvać, pieraciahvajučy koŭdru słavy kožny na siabie. Ja vielmi rada za hetaha čałavieka i pavažaju jaje pracu i tvorčaść. Ja ź joj nie znajomaja i, na žal, pakul nie čytała jaje knih. Ale ŭžo zamoviła ich u turmu», — napisała Saŭčanka ŭ liście.
Kamientujučy vykazvańni Aleksijevič pra Pucina, ukrainskaja lotčyca zajaviła, što «prasić litaści ŭ poskudzi» jana nie budzie. Na dumku Saŭčanka, Pucin užo joj prajhraŭ, bo jana žančyna, a jon mužčyna.
Nadzieju Saŭčanka vinavaciać u dapamozie hibieli rasijskich žurnalistaŭ VHTRK letam 2014 hoda, a taksama zamachu na žyćcio biežancaŭ i niezakonnym pierasiačeńni miažy. Saŭčanka admaŭlaje ŭsie abvinavačvańni i nastojvaje na tym, što jaje niezakonna vyvieźli na terytoryju Rasii pry ŭdziele śpiecsłužbaŭ.
-
«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
Kamientary