Napadajučy ispanskaha kłuba «Reał Madryd» i zbornaj Francyi Karym Bienziema (na fota sprava) aryštavany ŭ ramkach spravy ab šantažy inšaha hulca zbornaj, byłoha paŭabaroncy maskoŭskaha «Dynama» Maćjo Valbuena (na fota źleva).
Jak paviedamlaje ahienctva Asašyejted pres sa spasyłkaj na krynicu ŭ palicyi, Bienziema byŭ zatrymany ŭ sieradu ranicaj paśla vykliku ŭ paryžski palicejski ŭčastak.
Rasśledavańnie pa spravie ab šantažy Valbuena pačałosia ŭ červieni.
Raniej pa toj ža spravie byli zatrymanyja jašče čatyry čałavieki, u tym liku były forvard krasnadarskaj «Kubani» Džybryl Siso. Śledstva padazraje ich u sprobie šantažavać Valbuena, vykarystoŭvajučy videastužku, na jakoj zapisana, jak jon zajmajecca seksam.
Jak paviedamlaje krynica, śledčym treba budzie vyśvietlić, u jakoj stupieni Bienziema zamiašany ŭ spravie ab vymahalnictvie hrošaj u Valbuena. Pa viersii śledstva, Bienziema padčas trenirovak namiakaŭ tavaryšu pa kamandzie, što ŭ jaho rasparadžeńni jość stužka intymnaha źmiestu. Palicyjanty chočuć vyśvietlić, ci byli hetyja namioki prostymi žartami abo vymahalnictvam.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary