Ciapier pošuk i navihacyju pa kartach Google Maps možna ažyćciaŭlać u afłajn-režymie, biez padklučeńnia da internetu, paviedamlaje The Verge.
Mahčymaść zachavać karty asobnych łakacyj była dastupnaja ŭ Google Maps jašče z 2012 hoda, ale tolki ciapier zachavanyja miescy buduć dastupnyja dla paŭnavartasnaj pabudovy maršrutu. Źmieny zakranuć tolki karystalnikaŭ mabilnaj prahramy Google Maps. Uładalniki Android-pryład zmohuć zaŭvažyć ich užo ź siońniašniaha dnia. Dla hadžetaŭ na iOS źmieny taksama płanujucca, ale stanuć dastupnyja paźniej.
Afłajnavy varyjant kart budzie niekalki adroźnivacca ad viersii, jakaja pracuje ŭ anłajn-režymie. Tak, dla maršrutu buduć prymianiacca usiarednienyja dadzienyja ab darožnym trafiku (naŭzamien infarmacyi ŭ režymie realnaha času). Infarmacyja ab ustanovach (kaviarniach, restaranach) taksama budzie dastupnaja ŭ afłajnie — nazvy, rejtynhi i numary telefonaŭ, ale fatahrafii i vodhuki bieź internetu prahladzieć užo nie atrymajecca z-za abmiežavańniaŭ pa pamiery.
Supracoŭniki Google kažuć, što afłajn-viersija Google Maps budzie zručnaja dla ludziej, jakija vandrujuć bieź sim-karty, a taksama dla tych, chto apynuŭsia ŭ «miortvaj zonie» mabilnaha apieratara.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary