Syn hrodzienskaha vajenkama vučycca ŭ instytucie FSB i jeździć na mašynie sa ściaham «Navarosii»
Hetaja mašyna sa ściaham h.zv. «Navarosii» za łabavym škłom naležyć Alaksieju Kučaru, hrodzienskamu chłopcu, jaki vučycca ŭ instytucie pahraničnaj słužby FSB Rasii.
Baćka Alaksieja — były deputat Ašmianskaha rajonnaha savieta deputataŭ i dziejny načalnik nakiravańnia pryzyvu na vajskovuju słužbu ŭ vajennym kamisaryjacie Hrodzienskaj vobłaści, pałkoŭnik Siarhiej Kučar.
Niekalki hadoŭ tamu jahony syn pastupiŭ na vučobu ŭ Maskvu. Vidać, tam idej «Ruskaha śvietu» Alaksiej i nachapaŭsia.
U telefonnaj razmovie Alaksiej paćvierdziŭ, što mašyna naležyć jamu. Ale chłopiec admoviŭsia kamientavać ściah h.zv. «Navarosii» u sałonie, skazaŭšy, što nie budzie ni pierad kim spravazdačycca.
A ŭ adkaz na słovy, što jon — budučy biełaruski aficer i musić padtrymlivać aficyjny kurs (Łukašenka nie pryznaŭ nijakich «Navarosij»), Alaksiej skazaŭ — «Ničoha strašnaha, što nie pryznaŭ».
Niadaŭna «Naša Niva» taksama pisała, što ŭ Hrodzienskaj vobłaści diejničajuć adrazu piać pravasłaŭnych «vajskova-patryjatyčnych» kłubaŭ dla moładzi, dzie ź dziećmi zajmajucca nieprychavanyja nośbity «Ruskaha śvietu».
Ciapier čytajuć
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary