Na pres-kanfierencyi ŭ Paryžy prakuror Fransua Malen raspavioŭ, što ŭsiaho było try hrupy terarystaŭ, u horadzie jany padzialilisia i pajechali na dvuch aŭtamabilach.
Pa słovach Malena, pieršy vybuch adbyŭsia kala ŭvachodu D na Stade de France.
Na jaho miescy byli vyjaŭlenyja dva cieły — na pieršym byŭ pojas śmiarotnika, druhi byŭ vypadkovym prachožym. Paśla hetaha inšyja terarysty, jakija pryjechali na mašynie pačali atakavać ludziej u restaranie. 15 čałaviek byli zabityja, dziesiać atrymali ranieńni.
Paśla hetaha kala ŭvachodu H na Stade de France prahrymieŭ jašče adzin vybuch, na jaho miescy było znojdziena cieła śmiarotnika.
U 21:32 pa miascovym časie kala adnaho z paryžskich baraŭ u 11 rajonie terarysty znoŭ adkryli ahoń pa ludziach.
Na miescy byli znojdziena kala 100 hilzaŭ, terarysty pryjechali na inšym aŭtamabili. Piać čałaviek zahinuli, vosiem byli paranienyja.
U teatry Bataclan byli zabityja try terarysty (adnaho zastreliła palicyja, dvoje inšych padarvalisia).
U ahulnaj składanaści zahinuli 89 čałaviek, ab kolkaści paciarpiełych nie paviedamlajecca.
Adzin z aŭtamabilaŭ, jaki vykarystoŭvali terarysty, spynili na miažy Francyi i Bielhii.
Pakul viadoma pra dvuch terarystaŭ.
Pieršy naradziŭsia 21 listapada 1985 u pryharadzie Kurkurona (20 kiłamietraŭ ad Paryža). Z 2004 hoda jon źjaviŭsia na vačach u pravaachoŭnych orhanaŭ, u 2010 byŭ paznačany jak isłamist, adnak ni razu ŭ turmie jon nie znachodziŭsia. U druhoha terarysta byŭ znojdzieny siryjski pašpart, mužčyna naradziŭsia ŭ 1980 hodzie. Na ŭliku ŭ francuzskaj palicyi jon nie znachodziŭsia.
Terarysty vykarystoŭvali pajasy śmiarotnikaŭ na asnovie pieraksidu acetonu.
Usiaho, pa słovach prakurora, było ździejśniena šeść napadaŭ.
18 čałaviek zahinuli na terasie kala La Belle Equipe, 14 čałaviek byli zabityja ŭ bary La Grillon.
Kamientary