Deputaty Pałaty pradstaŭnikoŭ na pasiadžeńni 19 listapada pryniali ŭ druhim čytańni papraŭki ŭ zakon «Ab hramadzianstvie Respubliki Biełaruś».
Pavodle słoŭ namieśnika staršyni parłamienckaj kamisii pa pravach čałavieka, nacyjanalnych adnosinach i srodkach masavaj infarmacyi Tamary Krasoŭskaj, zakonaprajekt skiravany na dalejšaje ŭdaskanaleńnie pravavoha rehulavańnia instytuta hramadzianstva Biełarusi.
Dakumient kankretyzuje paniaćcie bieśpierapynnaści terminu pastajannaha pražyvańnia zamiežnych hramadzian i asob biez hramadzianstva niepasredna da zvarotu z zajavaj ab pryjomie ŭ hramadzianstva Respubliki Biełaruś. Heta dazvolić ustaranić najaŭnyja supiarečnaści pry vyznačeńni bieśpierapynnaści pražyvańnia zamiežnych hramadzian na terytoryi Biełarusi.
Zakonaprajekt pašyraje pravy atrymańnia hramadzianstva ŭ sproščanym paradku. Tak, vyklučajecca nieabchodnaść patrabavańnia abaviazkovaha znachodžańnia ŭ hramadzianstvie byłoha SSSR asob, jakija nabyvajuć hramadzianstva Respubliki Biełaruś u paradku rehistracyi.
Taksama dakumient kankretyzuje paradak atrymańnia biełaruskaha hramadzianstva pa naradžeńni. U pryvatnaści, uvodzicca padstava pradastaŭleńnia hramadzianstva Respubliki Biełaruś dziciaci, jakoje naradziłasia na terytoryi Respubliki Biełaruś, a baćki jakoha časova pražyvajuć u joj i źjaŭlajucca asobami biez hramadzianstva.
Akramia taho, zamacoŭvajecca pałažeńnie ab nabyćci hramadzianstva dziećmi, u dačynieńni da jakich ustanoŭlena baćkoŭstva abo maciarynstva adnym z baćkoŭ — hramadzianinam Respubliki Biełaruś.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary