Andrej Dźmitryjeŭ: U Biełarusi baćka vyklučany z pracesu vychavańnia dziciaci
Minułyja dva tydni ŭ mianie byŭ adpačynak. Amal uvieś čas ja pravioŭ ź dziećmi.
Vaziŭ ich pa roznych zabaŭlalnym miescach (basiejn, kańki, park, muziej, teatr, futboł), na dziciačyja placoŭki, na zaniatki pa raźvićci ŭ Pałacy dziaciej i moładzi i hetak dalej. I ŭ budnija dni, i ŭ vychodnyja. Kudy b my ni pryjazdžali, taty, i naohuł mužčyny, składali mienš za 5% ad kolkaści darosłych. Za mamami, upeŭniena lidziravali babuli. Časam, praŭda, byli siamiejnyja pary ź dziciem, ale tady čamuści baćka vioŭ siabie tak, niby ŭ zalik pavinna iści prosta jaho fizičnaje najaŭnaść ŭ prastory.
Pradbaču, što mnie skažuć: «Mužčyny zarablajuć hrošy». Ale ŭ subotu abo ŭviečary - jakaja praca ŭ 95% mužčyn? Sprava ŭ inšym, u nas niama tradycyi i adukacyi dla tataŭ, kab jany ŭklučalisia ŭ praces žyćcia dziciaci.
Jak heta źmianić? Moža zakanadaŭča, abaviazać mužčyn pravodzić u dekrecie nie mienš za 6 miesiacaŭ ź dziciem, ale dla hetaha treba ŭraŭniać z/p mužčyn i žančyn i pierahledzieć toje, jak naličvajucca dekretnyja. Moža, adukacyjna, ale dla hetaha dziaržava pavinna ŭbačyć u NDA partnioraŭ i dać im prastoru dla raźvićcia. Moža infarmacyjna, ale tady treba na palityčnym uzroŭni pierastać pabłažliva iržać ŭ vusy, kali havorka zachodzić ab hiendernaj roŭnaści i rabić na TB pieradačy, dzie buduć raspaviadać pra rolu mužčyny, pra toje, jak pravilna hulać ź dziećmi i hetak dalej. Usio heta mahčymyja kroki ad realizacyi jakich budzie zaležać i asabisty vybar kankretnaha mužčyny, što rabić viečaram, pasiadzieć u internecie i h.d., ci pajści i pravieści jaho ź dziciem.
Vybar ad jakoha zaležyć navat bolš, čym los kankretnaha małoha. Choć, zdavałasia b, kudy ŭžo bolš.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary