Tureckaja pravaabarončaja arhanizacyja Humanitarian Relief Foundation (IHH) paviedamiła pra avijaŭdary pa kałonie hruzavikoŭ z humanitarnaj dapamohaj. Heta adbyłosia ŭ horadzie Azaz na poŭnačy Siryi niedaloka ad tureckaj miažy. Pra heta havorycca ŭ akaŭntach arhanizacyi ŭ sacyjalnych sietkach.
Tureckaje dziaržaŭnaje ahienctva Anadolu śćviardžaje, što avijaŭdar byŭ naniesieny rasijskimi Pavietrana-kaśmičnymi siłami. Ahienctva paviedamlaje jak minimum pra siem zahinułych i dziesiać paciarpiełych u vyniku hetaha avijaŭdaru. Vydańnie padkreślivaje, što kanvoj hruzavikoŭ vioz humanitarnuju dapamohu dla biežancaŭ.
BBC sa spasyłkaj na «Siryjskuju naziralnuju radu pa pravach čałavieka» paviedamlaje, što raniej rasijskaja avijacyja praviała maštabnyja bambavańni rajona Azaz.
Ataka na kanvoj moža pryvieści da dalejšaha abvastreńnia adnosin miž Rasijaj z adnaho boku i Turcyjaj i Saudaŭskaj Aravijaj z druhoha.
Kamientary