Dziaržkantrol zapadozryŭ pryvatnuju budaŭničuju kampaniju ź Sieńnienskaha rajona Viciebskaj vobłaści va ŭchileńni ad vypłaty padatkaŭ i supracoŭnictvie sa łžestrukturaj. Pra heta paviedamlaje pres-słužba KDK.
Pa viersii pravaachoŭnikaŭ, dyrektar pradpryjemstva daŭ spravazdaču ŭ dakumientach ab finansava-haspadarčych apieracyjach ź fiktyŭnaj pradprymalnickaj arhanizacyjaj.
Budaŭničaja arhanizacyja nibyta brała ŭ arendu ŭ łžestruktur abstalavańnie na ahulnuju sumu 6,48 młrd rubloŭ.
Adnak Dziaržkantrol vyznačyŭ, što faktyčna majomaść u łžestruktur u arendu nie prymałasia i paśla nie nabyvałasia.
Jak vynik, pradpryjemstvam byli zavyšanyja vydatki i padatkovyja raźliki pa padatku na dadanuju vartaść. Pry hetym apłata za arendu i nastupnaje nabyćcio abstalavańnia pradpryjemstvam nie ažyćciaŭlalisia, a suma paličanych da vypłaty pradpryjemstvam za 2014 padatkaŭ u biudžet była roŭnaja pryblizna 30 młn rubloŭ.
U dačynieńni da byłoha dyrektara pradpryjemstva raspačata kryminalnaja sprava pa artykule ab uchileńni ad padatkaŭ.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»19
Kamientary