30 listapada sud Śvietłahorskaha rajona pryhavaryŭ kiraŭnika adnaho ź sielskahaspadarčych pradpryjemstvaŭ (jon vykonvaŭ na momant złačynstva abaviazki dyrektara KSUP) da troch hadoŭ pazbaŭleńnia voli.
Jon asudžany pa častcy 3 artykuła 426 KK (naŭmysnaje ŭčynieńnie słužbovaj asobaj dziejańniaŭ, jakija jaŭna vychodziać za miežy pravoŭ i paŭnamoctvaŭ, dadzienych jamu pa słužbie, źviazanaje z nasillem). Adbyvać pakarańnie kiraŭnik budzie ŭ kałonii ŭzmocnienaha režymu. Pryhavor nie nabyŭ zakonnuju moc i moža być abskardžany abo apratestavany.
Jak paviedamiła pres-sakratar Homielskaha abłasnoha suda Natalla Puhačova, kiraŭnik abvinavačvaŭsia ŭ tym, što źbivaŭ padnačalenych. Tak, u kastryčniku 2014 hoda da jaho źviarnuŭsia zaatechnik z prośbaj padpisać zajavu ab zvalnieńni ŭ paradku pieravodu. Ale kiraŭnik razzłavaŭsia i źbiŭ padnačalenaha. Jak jon potym rastłumačyŭ, u vychavaŭčych metach.
U sakaviku 2015 hoda kiraŭniku pastupiła infarmacyja, što nibyta traktaryst źliŭ dyzielnaje paliva. Na momant sustrečy z traktarystam, pavodle słoŭ abvinavačvanaha, padnačaleny znachodziŭsia ŭ stanie ałkaholnaha apjanieńnia. Kab pravučyć traktarysta, kiraŭnik udaryŭ jaho pa tvary.
Paciarpiełyja hramadzianskich iskaŭ ab kampiensacyi materyjalnaha ci maralnaha ŭronu nie padavali.
Kamientary