U pieršym tury rehijanalnych vybarach u Francyi ŭ niadzielu, 6 śniežnia, za Nacyjanalny front prahałasavali kala 30% vybarcaŭ. Krajnie pravyja abyšli dźvie tradycyjnyja francuzskija partyi — Respublikancaŭ i Sacpartyju i nabrali najbolšuju kolkaść hałasoŭ u šaści rehijonach. Pra heta śviedčać dadzienyja ekzit-połaŭ, piša rfi.fr.
Śpis Nacfronta ŭ paŭnočnym rehijonie Nor-Pa-de-Kale — Pikardyja nabraŭ 43% hałasoŭ, pa dadzienych Ifop. Pravyja ŭ hetym rehijonie atrymali 24%, Sacpartyja — 18%, astatnija levyja partyi — 10%.
Pavodle źviestak ekzit-połaŭ, u rehijonie Pravans — Alpy — Błakitny bierah za krajnie pravych na čale z 26-hadovaj Maryjon Marešal-Le Pien prahałasavali 41,7% vybarščykaŭ, za pravych — 24,5%, za sacyjalistaŭ — kala 18%.
Nacfront taksama vyjšaŭ na pieršaje miesca ŭ rehijonach Elzas — Šampań — Ardeny — Łatarynhija, Paŭdniovyja Pireniei — Łanhiedok — Rusiljon, Burhundyja — Franš-Kante, Centr — Dalina Łuary.
Partyja sacyjalistaŭ spadziajecca zachavać za saboj try rehijony.
Pa dadzienych sacyjałahičnych instytutaŭ, jaŭka skłała na hetych vybarach kala 50—51%, što na 3—4% bolš, im na papiarednich rehijanalnych vybarach u 2010 hodzie.
Uviečary ŭ niadzielu Sacpartyja praviadzie ekstrannaje pasiadžeńnie, na jakim budzie vyrašacca pytańnie ab mahčymaj admovie ad baraćby ŭ druhim tury vybaraŭ u rehijonach, dzie sacyjalisty zaniali treciaje miesca na karyść partyi Nikala Sarkazi, kab takim čynam pieraharadzić darohu Nacfrontu.
U svaju čarhu kiraŭnik «respublikancaŭ» Nikala Sarkazi zajaviŭ, što nie zhodny jak abjadnoŭvacca z sacyjalistami, tak i admaŭlacca zmahacca ŭ druhim tury, adznačyŭšy, što «pačuŭ i zrazumieŭ hłybokaje rasčaravańnie francuzaŭ».
Druhi tur rehijanalnych vybaraŭ projdzie praz tydzień, 13 śniežnia.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary